(Видео) „Ќе ги изгориме! Ќе останат и без мотори и без можноста да глумат моторџии“, рече Тошковски за тие кои лудуваат на едно тркало

Министерот за внатрешни работи Панче Тошковски најави засилени контроли и строги мерки против моторџии кои, како што рече, дивеат низ градовите и не ги почитуваат сообраќајните правила.

Тој направи разлика меѓу, како што ги нарече, „вистински моторџии“ и оние кои „глумат моторџии“.

— реклама —

„Тие кои се вистински моторџии, тие во град не ги прекршуваат сообраќајните правила. Тие се посветени за почитување на сообраќајни правила особено во град, бидејќи ги знаат последиците кога не ги почитуваат, тие се на две тркала“, рече Тошковски.

Според него, проблем се оние кои возат без кацига, со голема брзина и прават опасни маневри.

„Ова не се однесува на тие кои возат со кацига, со соодветна брзина... А најавувам за тие кои глумат дека се моторџии, односно возат мотор без кацига, со далеку поголема брзина, возат на црвена, го дигаат на едно тркало, и мислат дека ‘Сејф сити’ не ги детектира, МВР ќе биде фокусирано на нив, особено во градските средини“, кажа министерот.

— реклама —

Тој порача дека ваквите возачи ќе бидат главен таргет на полицијата во наредниот период.

„Слободно можам да кажам дека ќе ги изгориме! Ќе останат и без мотори и без можноста да глумат дека се моторџии“, изјави Тошковски.

— реклама —

Министерот додаде дека ваквите возачи претставуваат сериозен ризик за безбедноста.

„Тие ќе бидат таргет, тие што употребуваат мотори надвор од закон. Затоа што тие се најголем ризик да отепаат некого“, рече Тошковски.

На крајот, тој упати пофалби до моторџиите кои ги почитуваат правилата.

— реклама —

„Не за вистинските моторџии, за нив секоја чест и поздрав“, додаде министерот.

View this post on Instagram