Владата ќе ја разреши директорката на државниот инспекторат за животна средина, Ана Петровска, дознава Телма.
Разрешувањето е на барање на претседателката на ДОМ, Маја Морачанин, велат партиски извори.
Претходно, на прашање дали очекува да биде разрешена од функцијата, Петровска одби да коментира и кажа да се почека исходот од владината седница и дали нејзиното разрешување воопшто ќе биде на дневен ред на седницата.
На денешната прес конференција на Петровска, презентирајќи ги резултатите од работата на ДИЖС за првите 6 месеци, таа изјави дека само годинава се покренати 43 прекршочни постапки, изречени се 36 санкции а поднесени се и 2 кривични пријави.
Во првото полугодие од годинава има зголемен број на извршени вонредни надзори – 171 и 740 редовни, тврди Петровска.
Од владата соопштија дека согласно меѓукоалицискиот договор во Владата, позицијата директор на државниот инспекторат за животна средина е во политичка надлежност на партијата ДОМ.
