Ќе може да се лета од Скопје до Париз, од следната година

Од напролет со лет Скопје-Париз на македонскиот пазар се враќа нискобуџетната авиокомпанија „Изиџет“.

— реклама —

Компанијата минатиот месец ги прекина летовите од Скопје до Женева, а засега се враќа само со една линија од аеродромот „Скопје“ до францускиот „Орли“, кој се наоѓа на 20 километри од Париз, објави францускиот весник „Ле Фигаро“.

На линијата од Скопје до Париз лета и нискобуџетниот „Визер“, до аеродромот „Буве“, кој е оддалечен 90 километри од центарот на главниот град на Франција.