Доколку се предвиди енергетска криза можно е да се извршат рестрикции на јавното осветлување, вели за Сител директорот на ЕСМ, Васко Ковачевски. Сепак, тој вели дека во моментов државата има стабилна енергетска слика и се произведува доволно струја за домаќинствата.
Како што објасни тој, целта со набавката на јаглен е да им се излезе во пресрет на луѓето од бизнис секторот кои поради движењето на цената на светските берзи се принудени да плаќаат значително повисока сметка за струја.
Тој вели дека граѓаните не треба да стравуваат дека ќе има недостаток на струја бидејќи државата е целосно подготвена да одговори на кризата.
