Клоп за случајот со Манчестер сити: „Моето почитување кон Гвардиола и Сити е преголемо за да кажам нешто“

Манчестер сити е прогласен за виновен за сериозни прекршувања на финансиските правила на Премиер лигата, но клубот ги негира неправилностите и најави жалба. Казната за утврдените прекршоци сè уште не е одредена.

Еден од тренерите кои со години водеа големи битки со Сити беше Јирген Клоп. Неговиот Ливерпул двапати ја завршуваше сезоната со само еден бод помалку од тимот од „Етихад“, а дуелите меѓу двата клуба ја одбележаа една од најнеизвесните ери во Премиер лигата.

— реклама —

Клоп претходно во шега велеше дека би присуствувал на парада доколку на Ливерпул дополнително му бидат доделени титули, но сега вели дека повеќе не размислува на тој начин.

— реклама —

„Го видов тоа што се случува, секако, но не размислував многу за тоа. Знам што кажав порано и како зборував дека би бил таму доколку некогаш има парада, но сега повеќе не се чувствувам така“, изјави Клоп пред новинарите.

Германецот потоа објасни зошто не сака да носи заклучоци за случајот.

— реклама —

„Моето почитување кон Пеп Гвардиола и фудбалот што Сити го играше во времето кога се боревме едни против други, како и кон тоа каков противник беа на највисоко ниво, е преголемо за сега да можам да кажам нешто“, додаде Клоп.

Клоп во текот на девет години на клупата на Ливерпул освои една титула во Премиер лигата и една во Лигата на шампионите, пред да го напушти „Енфилд“ во 2024 година.

Тој нагласи дека е задоволен од достигнувањата на својот тим и дека не сака да шпекулира за можните последици од случајот против Манчестер сити.