Србија го одбра списокот на песни и пејачи кои ќе се натпреваруваат на следната Евровизија во Торино. На списокот има 36 песни и учесници.
Новиот претставник и песна за Евровизија ќе ги избере низ две полуфиналиња кои ќе се одржат на 3 и 4 март и финалето на 5 март. Претходно на изборот биле пријавени 150 изведувачи.
Меѓу 36-те избрани има голем број познати имиња. Едно од нив е и фолк пејачот Аца Лукас, кој ќе настапи со песната „Оскар“. Ќе се натпреварува и младата хрватска пејачка Анџелина со песната „Оригами“, а на списокот и е Гоца Тржан.
Таа ќе настапи со песната „Фитиљ“. Сара Јо која неодамна излезе со дует со Франко Бателиќ е на списокот натпреварувачи. Таа ќе се натпреварува со песната „Мушкарчина“, која ја напиша популарниот текстописец Коби.
За потсетување, Србија минатата година на Евросонг ја претставуваше групата „Ураганки“, со песната „Локо Локо“. Девојките предизвикаа големо внимание во изборот во финалето, кое на крајот го завршија на 15 место.
