„Колку народни пари ќе се потрошат?“ – СДСМ бара одговор од Владата за прославата со Дејвид Гета

Дури и Денот на независноста криминалната власт го извалка. Организатор на настан по повод 35 година од независноста, платен со пари на граѓаните, се однесува дрско кон новинари и кон јавноста и не одговара на тоа колку народни пари ќе се потрошат, велат од опозициската СДСМ.

„Тоа е за секоја осуда.

— реклама —

Граѓаните имаат целосно право да знаат, новинарите имаат право слободно да поставуваат прашања. А Влада на Мицкоски наместо ароганција има обврска да им каже колку пари ги чини прославата по повод 35 години од независноста.

Настапот на Дејвид Гета чини најмалку 1 милион евра. Само за него.

Ако на тоа се додадат бини, озвучувања, обезбедување, придружни актери и така натаму сумата значително се зголемува.

— реклама —

Со сите активности и настани по некои проценки вкупната сума достигнува до 5 милиони евра.

Прашањето е како е донесена одлуката да се потрошат над 5 милион евра?

— реклама —

Авалон фирмата којашто ја најавува владата е со блокирана сметка и на листата на должници на УЈП.

Како е одлучено токму таа фирма да организира државна манифестација, без јавен повик, без тендер?

Јавноста и граѓаните очекуваат одговори.

— реклама —

За жал сето ова, дрскоска, навредите кон граѓаните и кон новинарите се одлика на оваа влада и нивниот однос кон народот.

Влада која својот народ го нарекува „талог“ вака се однесува“, велат од СДСМ.