„Коридорот 8 е многу повеќе од транспортна рута – тој е стратешка визија што ги поврзува Јадранското и Црното Море: Муцунски од Софија

Министерот за надворешни работи Тимчо Муцунски денеска учествуваше на меѓународната конференција посветена на Коридорот 8 во Софија, каде што се обрати на панелот на високо ниво „Геостратешки контекст на Коридорот 8“.

„Коридорот VIII е многу повеќе од транспортна рута – тој е стратешка визија што ги поврзува Јадранското и Црното Море, Европската Унија и Западен Балкан, како и нашите економии и безбедносни интереси.“, вели Муцунски

— реклама —

Тој посочи дека во услови на геополитички и економски предизвици се потребни конкретни резултати, усогласена динамика и видлив напредок по целата траса.

— реклама —

„Нашите граѓани и европските партнери ќе го оценуваат Коридорот 8 според инфраструктурата што навистина ќе ја изградиме“, порача Муцунски.

Министерот ја потврдил определбата на Македонија да го исполни својот дел од обврските и, заедно со Бугарија, Албанија и европските партнери, да се забрза реализацијата на Коридорот 8.

— реклама —

Според Муцунски, подобрата поврзаност значи поголема безбедност, отпорност и економски развој за целиот регион.