МУЦУНСКИ

(Видео) „Силните идентитети не напаѓаат други идентитети“ – порака на Муцунски од Софија

Министерот за надворешни работи и надворешна трговија, Тимчо Муцунски, порача дека во Европа на 21. век идентитетите не треба да се градат преку негирање и напади врз другите, туку преку меѓусебна почит и прифаќање на различностите.Говорејќи за односите меѓу Македонија и Бугарија, Муцунски истакна дека силните идентитети немаат потреба да се потврдуваат на сметка на туѓите.„Јас сум цврсто убеден, како човек, дека силните идентитети немаат потреба да се градат преку напади на туѓите идентитети. Напротив, во Европа во 21. век треба да имаме капацитет да ги славиме нашите различности, да се почитуваме и да не се врзуваме со прашања поврзани со историјата, идентитетот и јазикот“, рече Муцунски.Тој оцени дека взаемен интерес и на Македонија и на Бугарија е двете држави да се движат напред кон полноправно членство во Европската Унија.„И нашата држава, но и вашата држава имаат многу да добијат од тој процес. Имаме најпозитивни намери да соработуваме во областа на одбраната и безбедноста, економијата и образованието“, нагласи министерот.Муцунски посочи дека како универзитетски професор учествувал на бројни меѓународни конференции, вклучително и во Софија, и токму затоа верува дека случувањата од последните години вештачки создале поделби меѓу народите од двете држави.„Она што е значајно е да имаме поглед кон иднината, а не да останеме заробени во прашања од минатото. Прашања поврзани со идентитетот, историјата и јазикот, бидејќи имаме иднина која треба да нѐ обедини“, истакна тој.Осврнувајќи се на договорените решенија од претходните години, Муцунски нагласи дека односите меѓу двете земји треба да се темелат на меѓусебна доверба и искрена соработка.„Треба да функционираме во систем кој ќе значи меѓусебна доверба“, порача министерот.

Настани | пред 7 часа

Муцунски се сретна со бугарската министерка за надворешни работи

Министерот за надворешни работи и надворешна трговија, Тимчо Муцунски, денеска во Софија се сретна со министерката за надворешни работи на Република Бугарија, Надежда Нејнски. Средбата е прва од низата билатерални разговори што се одржуваат на маргините на состанокот на министрите за надворешни работи на Процесот за соработка на Југоисточна Европа (ПСЈИЕ).Муцунски учествува на министерскиот состанок што се одржува во рамки на бугарското претседавање со иницијативата и е посветен на одбележувањето на 30-годишнината од формирањето на ПСЈИЕ.Настанот се одржува под мотото „Заеднички компас за стабилен, безбеден и одржлив регион – 30 години регионална сопственост и европска аспирација“.Според Министерството за надворешни работи и надворешна трговија, во фокусот на разговорите меѓу министрите ќе бидат европската перспектива на земјите од Југоисточна Европа, унапредувањето на регионалната соработка, зајакнувањето на безбедноста и отпорноста на регионот, како и продлабочувањето на економската интеграција, конкурентноста и поврзаноста во услови на актуелните геополитички предизвици.Процесот за соработка на Југоисточна Европа претставува највисок политички форум за регионална соработка во регионот и важна платформа за промовирање на добрососедските односи, политичкиот дијалог и европската интеграција.На состанокот во Софија се очекува усвојување заедничка декларација со која земјите учеснички ќе ја потврдат својата посветеност кон мирот, стабилноста, одржливиот развој, регионалната соработка и европската иднина на Југоисточна Европа.

Македонија | пред 11 час

Повторно актуелна идејата за директна авиолинија меѓу Скопје и Сараево

Министерот за надворешни работи и надворешна трговија Тимчо Муцунски денеска во Сараево оствари средба со министерот за надворешни работи на Босна и Херцеговина, Елмедин Конаковиќ, на која беше потврдена одличната билатерална соработка и конструктивниот политички дијалог меѓу двете земји.На заедничката прес-конференција по средбата, Муцунски истакна дека Македонија и БиХ одржуваат редовен политички дијалог на сите нивоа и дека немаат отворени билатерални прашања.Двајцата министри разговараа за актуелните состојби во регионот, европската интеграција и политиката на проширување на Европската Унија, при што беше нагласено дека европската перспектива останува заедничка стратешка цел на земјите од Западен Балкан.Во разговорите посебен акцент беше ставен на економската соработка и потребата од нејзино унапредување. Муцунски посочи дека постои значителен простор за продлабочување на економските врски преку организирање бизнис-форуми, подобрување на транспортната поврзаност и повторно воспоставување на директната авиолинија меѓу Скопје и Сараево.Соговорниците разменија мислења и за безбедносните предизвици во регионот, при што беше нагласена важноста од зачувување на стабилноста, суверенитетот и територијалниот интегритет на Босна и Херцеговина во согласност со Дејтонски мировен договор.Муцунски ја повтори поддршката на Македонија за евроатлантските аспирации на БиХ и ја нагласи важноста од ангажманот на НАТО, Европската Унија и мисијата ЕУФОР Алтеа во одржувањето на стабилноста во земјата.На крајот од средбата, двајцата министри ја потврдија подготвеноста за понатамошно зајакнување на политичкиот дијалог, економската соработка и партнерството меѓу двете пријателски држави.

Македонија | пред 2 дена

„Дигиталната трансформација, иновациите и ИКТ секторот треба да станат посилен дел од економската агенда со Грција“, вели Муцунски

Дигиталната трансформација, иновациите и информатичко-комуникациските технологии треба да добијат многу позначајно место во економската соработка меѓу Македонија и Грција, порача министерот за надворешни работи и надворешна трговија Тимчо Муцунски на Бизнис форумот на ИКТ компании што се одржа во Скопје.Обраќајќи се пред претставници на компаниите и стопанските организации од двете земји, Муцунски истакна дека форумот претставува важен чекор кон градење нов модел на партнерство заснован на економски развој, иновации и конкурентност.Тој нагласи дека интегрирањето на надворешната трговија во ресорот на Министерството не е само административна промена, туку јасна политичка порака дека дипломатијата треба да придонесува за поголема трговија, нови инвестиции и отворање пазари за домашните компании.Според министерот, македонскиот ИКТ сектор е еден од најуспешните сегменти на економијата, со придонес од речиси пет проценти во бруто-домашниот производ и годишни приходи од околу 1,65 милијарди евра.„Ова не е само економска статистика. Тоа е можност младите луѓе да останат во земјата, да привлечеме нови инвестиции и да ја позиционираме Македонија како регионален центар за дигитални услуги и иновации“, истакна Муцунски.Тој оцени дека следната фаза од економската соработка со Грција треба да биде насочена кон иднината, при што, покрај енергетиката, инфраструктурата и трговијата, посебен акцент треба да се стави на дигиталната трансформација, вештачката интелигенција, сајбер-безбедноста, финтек-решенијата и стартап-екосистемот.Муцунски порача и дека европската интеграција не е само политички процес, туку и економска трансформација која носи подобри стандарди, посилни институции и поголеми можности за компаниите.На крајот, тој потенцираше дека вистинската економска вредност ја создаваат компаниите, претприемачите, инженерите и иноваторите, додека улогата на институциите е да обезбедат стабилна рамка и услови за нивен развој.

Македонија | пред 6 дена

„Македонија останува на европскиот пат, но без услови за уставни измени“, вели Муцунски

Македонија останува цврсто посветена на членството во Европската Унија, но во моментот не постојат предуслови за отворање на процесот на уставни измени, оцени министерот за надворешни работи и надворешна трговија Тимчо Муцунски.Тој посочи дека евентуалното создавање услови за таков процес зависи од градењето меѓусебна доверба и обезбедувањето институционални гаранции, нагласувајќи дека очекувањата за внесување на бугарското малцинство во Уставот треба да бидат придружени со исполнување на обврските од страна на Бугарија.„Ако Бугарија очекува ние да го внесеме бугарското малцинство во Уставот, најмалку што може да направи е да ги исполни своите обврски согласно меѓународното јавно право, односно Европската конвенција за човекови права“, изјави Муцунски пред почетокот на Бизнис форумот на ИТ-компании во организација на МАСИТ и грчкото здружение СЕТПЕ.Министерот истакна дека државата останува целосно посветена на спроведувањето на реформите и дека нема алтернатива на европскиот пат. Според него, во Европската Унија постои интерес за забрзување на процесот на проширување, што претставува позитивен сигнал за земјите кандидати.Осврнувајќи се на односите со Бугарија, Муцунски оцени дека дијалогот треба да продолжи, но посочи дека остануваат отворени прашања поврзани со спроведувањето на Договорот за добрососедство.Во однос на оценките од европските институции, тој нагласи дека Македонија останува фокусирана на реформската агенда, додавајќи дека покрај забелешките во одредени области, дел од реформите добиваат и позитивни оценки од Брисел.

Македонија | пред 6 дена

„Нашите граѓани даваат поддршка на европскиот пат, но не и да се продолжи по патот на отстапки во низа“, вели Муцунски

Граѓаните силно го поддржуваат членството на Македонија во Европската Унија, но истовремено не сакаат земјата да продолжи по патот на нови отстапки без јасни гаранции дека процесот ќе има завршница, изјави министерот за надворешни работи и надворешна трговија и член на Извршниот комитет на ВМРО-ДПМНЕ, Тимчо Муцунски, во гостување на Сител телевизија,Муцунски оцени дека идејата за референдум во овој момент нема ниту практична, ниту политичка логика и не може да придонесе за надминување на актуелната состојба.„Најсилната алатка којашто граѓаните ја имаат е референдумот, но сега референдум во овој момент ниту има некаква логика, ниту нешто може конкретно да значи, ниту некој пробив да даде по однос на состојбата. Единствено служи како внатрешно-политичка алатка на главната опозициска партија“, изјави Муцунски.Тој ја критикуваше опозицијата и посочи дека, според него, не е доволно информирана за роковите поврзани со реформската агенда.Осврнувајќи се на евроинтегративниот процес, Муцунски нагласи дека сите релевантни анкети покажуваат јасна поддршка на граѓаните за европската перспектива на државата.„Нашите граѓани, сите анкети на јавно мислење ни покажуваат апсолутно и без никаква дилема дека даваат поддршка на европскиот пат. Но истовремено и анкетите и чувството кај граѓаните покажуваат дека не треба да го продолжиме патот на отстапки во низа, без јасни сигнали дека тоа е крај“, истакна министерот.Според него, Владата активно работи на подобрување на позицијата на државата во процесот на европска интеграција и на обезбедување дополнителни гаранции во однос на идните чекори.Муцунски оцени дека македонската дипломатија успеала да создаде поголемо разбирање кај меѓународните партнери за специфичностите на македонскиот случај.„Постои веќе, од страна на нашата надворешна политика, создадена свест дека спрема нашата држава треба да се постапува претпазливо и дека треба заеднички да се најде решение“, рече тој.Воедно, Муцунски упати критики кон опозициските партии, тврдејќи дека тие не го препознаваат успехот на актуелната надворешна политика и дека во своите ставови се усогласени со позициите на официјална Софија.Според него, Владата останува посветена на европскиот пат, но со пристап кој ќе обезбеди поголема предвидливост и гаранции за државните интереси.

Македонија | пред 1 седмица

Муцунски: „Бугарија има очекувања кои не се поврзани единствено со уставните измени“

Министерот за надворешни работи и надворешна трговија, Тимчо Муцунски, гостуваше во емисијата „Тема на денот“ на Сител телевизија, каде говореше за европската интеграција на државата, односите со Бугарија и очекувањата од претстојните разговори со претседателот на Европскиот совет, Антонио Кошта.Во контекст на посетата на Кошта, министерот Муцунски изрази очекување во фокусот на разговорите да бидат реформската агенда и евроинтегративниот процес, како и можностите за надминување на пречките кои го кочат напредокот на државата кон Европската Унија.Осврнувајќи се на односите со Бугарија, министерот посочи дека постојат области во кои може да се постигне напредок, особено во делот на инфраструктурното поврзување преку Коридорот VIII и отворањето на граничниот премин „Клепало“.„Тоа што не ми дава во овој момент голем оптимизам е начинот на кој актуелната бугарска влада на почетокот на самиот мандат се поставува кон нас како држава. Тоа што е кристално јасно е дека кај Бугарија не е единствено барање само уставните измени. Има многу елементи кои тие ги гледаат како значаен дел од нашиот евроинтегративен процес, за кои ние сметаме дека нема потреба да се дискутира во ова време во кое живееме“, истакна Муцунски.Тој додаде дека токму тоа е прашањето кое треба да се разреши со посредство на Европската Унија и земјите членки кои се добронамерни кон процесот на европското проширување.„Ние како држава имаме обврска да бидеме проактивни. Покрај реформите кои ги спроведуваме, да нудиме решенија кои ќе бидат достоинствени – тоа е разликата помеѓу нашата Влада и сите други влади. Сите претходни влади барале решенија по секоја цена, а ние бараме решенија кои ќе бидат достоинствени и одржливи“, нагласи министерот.Во интервјуто, Муцунски оцени дека бугарските позиции не се ограничуваат само на прашањето за уставните измени.„Бугарија од нас како држава има очекувања кои не се поврзани единствено со уставните измени, туку се поврзани со идентитетски прашања – како јазикот, историјата и културата. Да, бугарската страна, за разлика од сите други земји членки и сите европски институции, смета дека договорот од 2022 година е многу повеќе од само уставни измени – тоа е реалност со која се соочуваме и за која треба да најдеме решение“, рече Муцунски.Притоа, тој беше дециден дека Владата нема намера да отвора разговори за прашања поврзани со националниот идентитет.„Ние како Влада немаме подготвеност по никаква цена да дискутираме за било какво прашање поврзано со идентитет, јазик, култура и историја“, порача министерот.Осврнувајќи се на пошироките последици од блокадата на евроинтегративниот процес, Муцунски истакна дека цената од ваквиот пристап не ја плаќа само државата, туку и регионот и Европската Унија.„Покрај тоа што ние ја плаќаме цената од ваквото однесување, цената ја плаќа и целиот регион, но и целата Европска Унија, која губи кредибилитет што дозволува билатерални прашања да го кочат европскиот напредок и ветувањата и гаранциите кои се давани кон нашата земја и регионот во целост“, истакна тој.Во однос на можните решенија, министерот нагласи дека државата останува посветена на изнаоѓање решение, но не по цена на нови национални отстапки без јасни гаранции.„Факт е дека ние мораме да најдеме решение, тоа нема дилема. Но, доколку тоа решение значи само почеток без извесност за крај, а знаејќи дека во меѓувреме Софија е многу конкретна во своите барања за национални отстапки, тогаш нема логика да тргнеме по пат кој е неизвесен, по кој цената ќе биде нови национални отстапки без никакви гаранции“, истакна Муцунски.Тој додаде дека е потребно решение кое даде не само предвидливост, туку и одржливост.„Ние разговараме и дискутираме да најдеме решение кое ќе даде не само предвидливост, туку и одржливост. Да знаеме дека сме ги затвориле сите прашања, да знаеме дека европските институции и Бугарија застануваат цврсто позади затворањето на прашањата и да почнеме да разговараме за прашања кои се суштински битни“, порача министерот Муцунски.

Македонија | пред 1 седмица

„Толеранцијата е сила, а не слабост. Мирот е избор што мора да се прави секој ден“, порача Муцунски

Министерот за надворешни работи и надворешна трговија, Тимчо Муцунски, денеска се обрати на 14. пленарна сесија на Меѓународниот парламент за толеранција и мир, која се одржа во Собранието на Република Северна Македонија, нагласувајќи ја важноста на дијалогот, толеранцијата и меѓународната соработка во услови на глобални предизвици.Во своето обраќање, Муцунски истакна дека светот се соочува со војни, поделби, дезинформации и растечка недоверба меѓу народите, поради што потребата од дијалог и соработка е поголема од кога било.„Мирот не е случајност. Мирот не е пауза меѓу две кризи. Мирот е избор. И тој избор мора да се прави секој ден – во институциите, во парламентите, во владите, во училиштата, во медиумите, но и во секојдневниот говор меѓу луѓето“, порача министерот.Тој ја нагласи улогата на парламентите како носители на демократските процеси и места каде што преку почитување на различностите, дијалог и компромис се креираат политики што ја обликуваат иднината на граѓаните. Притоа, посочи дека парламентарната дипломатија има значајна улога во градењето доверба и намалувањето на меѓународните тензии.Муцунски потенцираше дека толеранцијата не претставува слабост, туку сила која бара зрелост, самодоверба и храброст, а почитувањето на меѓународното право го оцени како клучен предуслов за стабилност и мир.Во говорот беше истакната и определбата на Северна Македонија за добрососедски односи, регионална соработка и мултилатерализам како основа за стабилност, развој и европска перспектива.„Не може да има вистинска безбедност без доверба во институциите. Не може да има вистинска стабилност без владеење на правото. Не може да има вистински мир ако достоинството на човекот не е заштитено“, нагласи министерот.Тој додаде дека толеранцијата не смее да остане само декларативна вредност, туку треба да биде дел од јавните политики, образованието и институционалната култура, повикувајќи на поголема одговорност кај политичките лидери во градењето доверба и намалувањето на општествената поларизација.Во рамки на настанот, Муцунски оствари средба и со Ахмед бин Мохамед Алџарван, претседател на Глобалниот совет за толеранција и мир. На средбата беа разменети мислења за актуелните меѓународни предизвици и можностите за продлабочување на соработката во промовирањето на мирот, толеранцијата и меѓукултурниот дијалог.

Македонија | пред 1 седмица

Муцунски: Водиме кредибилна надворешна политика што ги штити националните интереси и достоинството на државата

Министерот за надворешни работи и надворешна трговија, Тимчо Муцунски, денеска во рамки на седницата за пратенички прашања во Собранието, истакна дека Владата води кредибилна и одговорна надворешна политика, заснована на заштита на националните интереси, достоинството на државата и стратешките приоритети.Одговарајќи на пратеничко прашање поврзано со евроинтегративниот процес и надворешната политика, министерот Муцунски потенцираше дека Владата води аргументиран и принципиелен пристап во комуникацијата со меѓународните партнери, притоа нагласувајќи дека „нема повеќе отстапки и попустливост што не вродуваат со резултати“.Во таа насока, тој посочи дека барањето за дополнителни гаранции во однос на европскиот пат на државата е разумна и оправдана позиција, потсетувајќи на јавните ставови на повеќе европски лидери и претставници, меѓу кои и хрватскиот премиер Андреј Пленковиќ, претседателот на Европскиот совет Антонио Кошта и белгискиот министер за надворешни работи, кои ја нагласиле потребата од дополнителни уверувања и предвидливост во процесот.„Не е точно дека од државата се бараат само уставни измени“, истакна Муцунски, оценувајќи дека суштинскиот проблем произлегува од „непромислените решенија од 2022 година“.Министерот нагласи дека, и покрај предизвиците, Владата во изминатиот период остварила значајни резултати на меѓународен план, посочувајќи дека државата стана прва во регионот што потпишала Партнерство за безбедност и одбрана со Европската Унија.Воедно, тој потсети и на потпишаните договори за стратешко партнерство со Обединетото Кралство, Унгарија и Хрватска, оценувајќи дека тие придонесуваат за зајакнување на меѓународната позиција на државата, но и за економскиот и инвестицискиот развој.Муцунски истакна и дека државата била „прва во Европа што одржала стратешки дијалог со Соединетите Американски Држави во Вашингтон“, што, според него, претставува потврда за кредибилитетот и активната меѓународна позиција на државата.Осврнувајќи се на реформскиот процес и европската агенда, министерот посочи дека државата е прва во регионот според исплатата на средства од Планот за раст на Европската Унија, што, како што нагласи, претставува јасен показател за сериозниот пристап кон реформите и европската интеграција.„Водиме кредибилна надворешна политика, но истовремено и надворешна политика што стои во заштита на нашето национално достоинство и национален интерес“, порача министерот Муцунски.

Македонија | пред 1 седмица

Муцунски: „Културната дипломатија е сериозен инструмент за градење доверба, партнерства и долгорочно влијание“

Министерот за надворешни работи и надворешна трговија Тимчо Муцунски денеска се обрати на отворањето на 4. Форум за културна дипломатија „Скопје 2026“, што се одржува под мотото „Од крстопати кон поврзувања: Културната дипломатија и иднината на глобалниот дијалог“.Во своето обраќање, Муцунски истакна дека во современиот свет влијанието на државите не се мери само преку нивната економска или воена моќ, туку и преку способноста да создаваат доверба, идеи и партнерства.„Културната дипломатија често се опишува како мека моќ. Но, во денешниот свет, таа воопшто не е мека во своето значење. Таа е сериозен инструмент на државно позиционирање, на градење партнерства и на долгорочно влијание“, порача Муцунски.Тој нагласи дека културната дипломатија има важна улога во враќањето на човечката димензија во меѓународните односи, особено во време кога светот е технолошки поврзан, но политички и општествено често поделен.Министерот посочи дека зад секоја држава стојат луѓе, историја, јазик, култура и достоинство, додавајќи дека дипломатијата станува вистински простор за поврзување кога тие вредности се разбираат и почитуваат.Во обраќањето беше истакната и улогата на културната дипломатија во градењето мир и доверба, како и значењето на културата, образованието, младите, уметниците и дијаспората како дел од пошироката дипломатска стратегија на државата.Осврнувајќи се на регионот, Муцунски порача дека историјата не треба да биде причина за блокирање на иднината, туку основа за меѓусебно разбирање и соработка.Форумот „Скопје 2026“ е организиран од Кабинетот на поранешниот претседател Ѓорге Иванов, Меѓународниот центар „Алијанса на цивилизациите“ и Институтот за културна дипломатија од Берлин, со поддршка на Министерството за култура и туризам.На настанот учествуваат претставници на дипломатскиот кор, академската заедница, културни институции и меѓународни организации од повеќе земји.

Македонија | пред 1 седмица

Муцунски од состанокот на НАТО: Западен Балкан мора да остане во фокусот на Алијансата

Министерот за надворешни работи и надворешна трговија, Тимчо Муцунски, изминатите две дена учествуваше на состанокот на министрите за надворешни работи на земјите членки на НАТО, што се одржа во Хелсингборг, Кралството Шведска.Во рамки на состанокот беа разменети мислења за повеќе актуелни глобални безбедносни предизвици, со посебен акцент на подготовките за Самитот на НАТО во Анкара, што ќе се одржи во јули оваа година.Фокусот на дискусиите беше ставен на имплементацијата на одлуките донесени на минатогодишниот Самит на НАТО во Хаг, особено во делот на зголемените инвестиции за модернизација на одбраната и одбранбените капацитети, како и на целосната и ефективна имплементација на обврските преземени во рамки на Планот за одбранбени инвестиции. Притоа, беше нагласена заедничката заложба за нивно исполнување со цел натамошно зајакнување на колективната одбрана и капацитетите за одвраќање на Алијансата.Во рамки на дискусијата, министерот Муцунски нагласи дека Западниот Балкан останува област во Европа во која постои сериозно злонамерно влијание од надворешни фактори и каде што сè уште постојат безбедносни ризици, потенцирајќи дека регионот и понатаму треба да биде во фокусот на НАТО.Министерот Муцунски ги пренесе приоритетите и активностите на Владата во исполнувањето на заедничките обврски преземени на Самитот во Хаг, со посебен акцент на зајакнувањето на домашните капацитети и способности преку соодветно и зголемено финансирање на одбраната, со цел унапредување на придонесот на државата во колективните одбранбени напори на Алијансата.Во однос на заедничките напори за зајакнување на колективната одбрана и одвраќање, министерот Муцунски ја нагласи и важноста од натамошен развој и модернизација на одбранбената индустрија, преку зголемување на одбранбеното производство, како и модернизација на индустриските капацитети, како значаен приоритет за посилна Европа во рамки на посилно НАТО.Во оваа насока, министрите ја нагласија потребата од продлабочување на соработката и координацијата меѓу сојузниците, со цел натамошно зајакнување на трансатлантските врски и демонстрирање на единство во справувањето со новите глобални безбедносни предизвици.Во однос на Украина, министерот Муцунски ја реафирмираше континуираната поддршка за земјата, како и важноста од обезбедување континуитет и предвидливост на помошта, паралелно со напорите за изнаоѓање праведно решение за воениот конфликт.Актуелните состојби во Јужното соседство, исто така, беа предмет на дискусија, при што министерот ја нагласи потребата од зајакнат и координиран пристап меѓу сојузниците, како и важноста од соработката со партнерите од регионот и блиската координација со Европската Унија во справувањето со актуелните безбедносни предизвици.Во овој контекст, беше потврдено значењето на партнерскиот дијалог и продлабочената соработка со стратешките партнери на Алијансата, како важен предуслов за обезбедување стабилност и безбедност на евроатлантскиот простор.

Македонија | пред 2 седмици

Муцунски од Хелсингборг - Во фокусот на разговорите инвестициите во одбраната, Украина и Западниот Балкан

Министерот за надворешни работи и надворешна трговија Тимчо Муцунски денеска учествува на министерскиот состанок на НАТО што се одржува во Хелсингборг, во Шведска.Пред почетокот на состанокот, Муцунски изјави дека средбата претставува важна можност, речиси една година по Самитот во Хаг, да се направи пресек на постигнатото и да се разговара за подготовките за претстојниот самит во Анкара.Тој посочи дека во фокусот на разговорите ќе бидат инвестициите во одбраната, развојот на одбранбените индустрии и поддршката за Украина.„Ќе дискутираме за многу посветената поддршка што ја обезбедивме како сојуз за Украина и какви се нашите планови понатаму“, изјави Муцунски.Министерот додаде дека состојбите на Блискиот Исток и на Западен Балкан исто така ќе бидат дел од дискусиите, нагласувајќи дека регионот и понатаму се соочува со безбедносни ризици и влијанија од надворешни фактори.Муцунски оцени дека НАТО станува сè посилен со зголемената посветеност на сојузниците кон инвестициите во одбраната и додаде дека состанокот ќе биде можност за разговор и за предизвиците и за можностите пред Алијансата.

Македонија | пред 2 седмици

СДСМ: Муцунски се фали со пари кои ги добија сите кандидати од ЕУ – прашањето е колку пари губиме?

СДСМ обвини дека Владата, предводена од Христијан Мицкоски, не ги спроведува потребните реформи за напредок кон Европската Унија, и покрај тоа што Европската комисија стави на располагање 65,7 милиони евра за земјава преку Планот за раст за Западен Балкан.Од партијата посочуваат дека средствата ги добиле сите земји кандидати од регионот, освен Србија, за која тврдат дека со години ги блокира реформите и е во конфронтација со Европската Унија.СДСМ оценува дека слична политика води и актуелната македонска власт, обвинувајќи дека не се усвоени законски измени во правосудството според европските препораки и дека институциите се партизирани.Во реакцијата се споменува и министерот за надворешни работи Тимчо Муцунски, за кого од СДСМ велат дека неоправдано се фали со европските средства како доказ за успешни реформи.Партијата повторно порача дека внесувањето на малцинствата во Уставот е клучен услов за продолжување на евроинтегративниот процес и побара исполнување на реформската агенда до 1 јуни – рок што, според нив, сам го поставил премиерот Мицкоски.

Македонија | пред 3 седмици

,,Европската комисија стави на располагање 65,7 милиони евра за државата – највисок износ во регионот", вели Муцунски

Министерот за надворешни работи и надворешна трговија Тимчо Муцунски соопшти дека Европска комисија ставила на располагање 65,7 милиони евра за Македонија во рамки на Инструментот за реформи и раст.Според Муцунски, станува збор за највисок износ во регионот, во споредба со 49 милиони евра за Албанија и 44,2 милиони евра за Црна Гора.Тој оцени дека ова претставува потврда за посветеноста на Владата кон реформите, исполнувањето на обврските од Планот за раст и имплементацијата на европските стандарди.Согласно информацијата од Европската комисија, средствата се одобрени по позитивната оценка за спроведените реформски чекори, а реформите се однесуваат на образованието и дигитализацијата.Од вкупниот износ, 30,6 милиони евра ќе бидат префрлени директно во државниот буџет, додека останатите средства ќе бидат наменети за инвестициски проекти преку Инвестициска рамка за Западен Балкан.

Македонија | пред 3 седмици

Министерот Муцунски повика на политичка зрелост и поддршка за реформите што се директно поврзани со европската агенда

Министерот за надворешни работи и надворешна трговија, Тимчо Муцунски, на прес-конференција во Владата, порача дека членството во Европската Унија останува стратешка цел на државата и еден од клучните столбови на македонската надворешна политика.На прес-конференција во Владата, Муцунски истакна дека европската интеграција бара сериозност, одговорност и национален консензус околу најважните државни прашања.„Ова не е процес на една Влада. Ова не е процес на една политичка партија. Ова е процес што ја определува иднината на државата“, нагласи министерот.Тој повика на политички дијалог заснован на аргументи, институции и заемна почит, оценувајќи дека европската интеграција не смее да биде предмет на дневнополитички конфронтации.Муцунски упати повик и до опозицијата да покаже зрелост и конструктивност и активно да се вклучи во реформите поврзани со европската агенда и Планот за раст на ЕУ, особено во делот на Изборниот законик и правосудните закони.„Не декларативна поддршка за Европа на прес-конференции, туку конкретна поддршка таму каде што навистина се носат одлуките – во институциите и во Собранието“, рече Муцунски.Тој додаде дека Владата останува посветена на реформите, кои, според него, се важни не само за Брисел, туку и за подобри институции, правна сигурност и повеќе можности за граѓаните и младите.Осврнувајќи се на Планот за раст на ЕУ, Муцунски најави дека во следниот период се очекува историски висока исплата на средства за државата во рамките на овој механизам.

Македонија | пред 3 седмици

Муцунски во Братислава: Потребна е забрзана интеграција на Западен Балкан во ЕУ

Министерот за надворешни работи и надворешна трговија Тимчо Муцунски учествуваше на Министерскиот состанок на Групата „Пријатели на Западен Балкан“, што се одржа во Братислава, стои во соопштението од Министерството за надворешни работи.Состанокот бил организиран на покана на словачкиот министер за надворешни и европски работи Јурај Бланар.Групата „Пријатели на Западен Балкан“ ја сочинуваат Италија, Австрија, Грција, Чешка, Словачка, Хрватска и Словенија, а нејзина цел е забрзување на евроинтеграцијата на земјите од регионот.На состанокот се разговарало за политиката на проширување на Европска Унија, економскиот развој, безбедноста и геополитичките предизвици.Во своето обраќање, Тимчо Муцунски ја нагласил потребата од забрзување на пристапниот процес и отстранување на пречките за непречена трговија со Европската Унија.Тој посочил дека концептот на постепена интеграција треба дополнително да се надгради со иницијативи што ќе овозможат поголемо учество на земјите од Западен Балкан во креирањето на европските политики.Муцунски говорел и за Планот за раст, реформите и значењето на инфраструктурните проекти, истакнувајќи дека Северна Македонија е точка на пресек на Паневропските коридори VIII и X, кои имаат големо економско и геостратешко значење за регионот и Европа.

Македонија | пред 4 седмици

Муцунски за Euronews: „Не сме проевропска држава само во реториката, туку и во вредностите што ги спроведуваме“

Министерот за надворешни работи и надворешна трговија Тимчо Муцунски во интервју за Euronews изјави дека Македонија останува цврсто посветена на европскиот пат и покрај предизвиците и застојот во евроинтегративниот процес.„Ние сме држава што се гордее со својата проевропска ориентација, не само во реториката, туку и во вредностите што ги спроведуваме во нашето општество“, истакна Муцунски.Во интервјуто за емисијата „12 Minutes With“, министерот посочи дека регионот се соочува со сериозни хибридни и малигни влијанија, кои се засилуваат таму каде што расте фрустрацијата и се намалува довербата.„Покажавме не само дека велиме оти сме отпорни, туку и дека навистина сме отпорни во пракса“, рече Тимчо Муцунски.Тој нагласи дека членството во Европска Унија останува клучен надворешнополитички приоритет и најдобар механизам за долгорочна стабилност, безбедност и развој на регионот.Осврнувајќи се на безбедносните прашања, Муцунски оцени дека НАТО денес е „посилен од кога било досега“.„Мојот став е дека, благодарение на претседателот Трамп, државниот секретар Рубио и целокупниот надворешнополитички апарат на САД, НАТО е посилен од кога било досега“, изјави Муцунски.Тој потсети и на минатогодишниот Самит во Хаг, каде членките на Алијансата се обврзаа да ги зголемат трошоците за одбрана на 5 проценти од БДП до 2035 година.

Македонија | пред 4 седмици

Муцунски до бугарската министерка: Македонците се Македонци, „северномакедонски“ е несоодветен термин

Министерот за надворешни работи Тимчо Муцунски реагираше на изјавата на неговата бугарска колешка Весислава Петрова Чамова, посочувајќи дека меѓу нив немало официјална билатерална средба, туку само кратка размена на зборови на маргините на настан.„Во однос на изјавата на мојата нова бугарска колешка, Весислава Петрова Чамова, би сакал да појаснам дека денес немавме официјална билатерална средба. Имавме кратка размена на зборови на маргините на настан, во присуство на повеќе колеги. Ако едноминутен разговор се нарекува ‘средба’, тогаш денес навистина имавме многу ‘средби’“, напиша Муцунски.Тој реагираше и на користењето на терминот „северномакедонски“ за македонскиот народ, оценувајќи дека таквиот израз е неточен и несоодветен.„Би сакал да потсетам дека користењето на терминот ‘северномакедонски’ за означување на македонскиот народ е неточно и несоодветно. Македонците се Македонци. Ова не е прашање на политика, туку на основно почитување на идентитетот и достоинството на еден народ“, наведе министерот.Муцунски додаде дека во дипломатијата прецизноста е важна и претставува одраз на почит.„Во дипломатијата, прецизноста не е формалност. Таа е одраз на почит“, порача тој.На крајот, министерот посочи дека се надева оти наскоро ќе има официјална средба со бугарската министерка.„Како што и кажав на Весислава, се надевам дека наскоро навистина ќе одржиме средба – во пријателска и позитивна атмосфера, насочена кон градење добрососедски односи и нашата заедничка европска иднина“, додаде Муцунски.

Македонија | пред 4 седмици

Муцунски: „Обновата на Украина не значи само реконструкција на инфраструктурата, туку и обновување на животите, довербата и надежта“

Во рамки на работната посета на Брисел, министерот за надворешни работи и надворешна трговија, Тимчо Муцунски, денеска учествуваше на Состанокот на високо ниво на Меѓународната коалиција за враќање на украинските деца, кој се одржа на маргините на Советот за надворешни работи на Европската Унија.Во своето обраќање, министерот Муцунски ја реафирмираше поддршката на државата за Украина, нејзиниот суверенитет и територијален интегритет, нагласувајќи дека повеќе од три години Украина се соочува со неиспровоцирана и неоправдана агресија од страна на Руската Федерација, што претставува очигледно кршење на Повелбата на Обединетите нации и на меѓународното право.Министерот посочи дека, покрај геополитичките последици, војната предизвикала огромно човечко страдање, а како најболен симбол на тоа страдање ја издвои судбината на украинските деца.„Повикваме на итно враќање на сите украински деца кои биле присилно однесени. Нивната депортација претставува сериозно прекршување на меѓународното право и директна повреда на нивните човекови права, достоинство и безбедност“, истакна министерот Муцунски.Воедно, тој нагласи дека, како што агресијата влегува во својата четврта година, сè појасно е дека не може да постои одржлив мир без одговорност.Осврнувајќи се на идната обнова на Украина, министерот Муцунски посочи дека обновата на една држава не значи само реконструкција на инфраструктурата, туку и обновување на животите, довербата и надежта.„Историјата нема да нè суди само според изјавите што ги даваме, туку и според човечноста што ја покажуваме. Нашата должност денес е да помогнеме децата на Украина повторно да се чувствуваат безбедно, повторно да веруваат и да ја градат својата иднина во слободна, мирна и суверена Украина“, порача министерот Муцунски.

Македонија | пред 4 седмици

Муцунски од Брисел: Проширувањето е императив и за ЕУ и за Западен Балкан

Министерот за надворешни работи и надворешна трговија, Тимчо Муцунски денеска во Брисел учествуваше на Советот за надворешни работи на Европска Унија, со кој претседаваше високата претставничка за надворешни работи и безбедносна политика, Каја Калас.Во изјава пред почетокот на состанокот, Муцунски порача дека проширувањето е императив и за Европската Унија и за земјите кандидати, нагласувајќи дека Западен Балкан не смее да остане „сива зона“ на Европа.Тој истакна дека Македонија постигнала конкретни резултати во спроведувањето на Реформската агенда, особено во последните месеци, и потенцираше дека државата е 100 проценти усогласена со Заедничката надворешна и безбедносна политика на ЕУ.„Потребно е да се оттргнеме од билатерализацијата на пристапните критериуми, но и да се засили ангажманот за прашања кои одат и пошироко од самиот процес на проширување“, изјави Муцунски, посочувајќи ги безбедноста, економијата, трговијата, енергетската сигурност и дигитализацијата како клучни области за соработка.Во рамки на Советот се разговараше за односите на Европската Унија со Западен Балкан, при што акцентот беше ставен на актуелните надворешно-политички и безбедносни предизвици, вклучително и руската агресија врз Украина и последиците од глобалните кризи врз регионот.Муцунски во своето обраќање ја нагласи подготвеноста на државата за понатамошно продлабочување на соработката со ЕУ во областа на надворешната, безбедносната и одбранбената политика, оценувајќи дека проширувањето претставува стратешка инвестиција во долгорочната стабилност и безбедност на Европа.

Македонија | пред 4 седмици

Муцунски: Остануваме кредибилен партнер на Европската Унија

Министерот за надворешни работи и надворешна трговија, Тимчо Муцунски денеска оствари средба со висока делегација од Европска служба за надворешно дејствување во рамки на Партнерството за безбедност и одбрана меѓу Европска Унија и Македонија.На средбата бил поздравен редовниот политички дијалог што се води во рамки на партнерството потпишано во 2024 година, при што било оценето дека вториот состанок одржан во април 2026 година во Брисел претставува значаен чекор кон конкретизирање на заедничките приоритети за соработка.Соговорниците размениле мислења и за тековните дискусии меѓу земјите членки на ЕУ во рамки на Европски мировен инструмент, особено во однос на подготовката на Стратешките насоки за 2027 година.Притоа било нагласено дека се очекува поголема поддршка за земјите од регионот, како и развој на проекти со регионална димензија.Претставниците на ЕЕАС информирале и за можни поголеми регионални проекти кои би биле финансирани преку буџетот на Европскиот мировен инструмент за 2027 година.Министерот Муцунски ја реафирмирал посветеноста на Македонија како кредибилен и конструктивен партнер на Европската Унија во областа на надворешната и безбедносната политика, потенцирајќи дека европската интеграција останува стратешки приоритет на државата.

Македонија | пред 1 месец

Муцунски: „Нашата цел е да изградиме отпорно, инклузивно и просперитетно општество, кое ќе создава можности, а не причини за заминување“

Министерот за надворешни работи и надворешна трговија Тимчо Муцунски се обрати на конференцијата посветена на демографската отпорност во Скопје, организирана од Министерството за социјална политика, демографија и млади и УНФПА, под покровителство на премиерот Христијан Мицкоски.Муцунски нагласи дека демографските предизвици повеќе не се само статистичко прашање, туку клучен фактор за економската конкурентност, националната отпорност и стабилноста на државата.„Нашата цел е да изградиме отпорно, инклузивно и просперитетно општество, кое ќе создава можности, а не причини за заминување“, истакна министерот, додавајќи дека човечкиот капитал претставува најважен стратешки ресурс.Тој посочи дека дијаспората има значајна улога како мост меѓу државата и светот, при што преку новата Стратегија за соработка со дијаспората 2025–2030 се предвидува зајакнување на врските, инвестициите и развојните партнерства.Муцунски истакна дека Владата работи на модернизација на конзуларните и дигиталните услуги, со цел граѓаните во странство да останат поврзани со матичната држава.Според него, задржувањето на младите зависи од создавање реални можности, квалитетни работни места и конкурентна економија, а политиките се насочени кон економска трансформација и интеграција во европскиот економски простор.Тој нагласи дека преку Планот за раст на ЕУ се отвораат нови можности за инвестиции, развој и регионално поврзување, додека инфраструктурните проекти ќе бидат клучен двигател на економскиот напредок.На крајот, Муцунски порача дека демографските предизвици бараат координиран и долгорочен пристап, со јасна визија за општество кое создава шанси за младите и грижа за сите генерации.

Македонија | пред 1 месец

Муцунски – Берсе: Поддршка за евроинтеграциите и реформи, фокус на човекови права и владеење на правото

Министерот за надворешни работи и надворешна трговија Тимчо Муцунски денеска оствари средба со генералниот секретар на Советот на Европа, Ален Берсе, кој е во прва официјална посета на Македонија.Муцунски на средбата истакнал дека во изминатите три децении членството на земјата во Советот на Европа придонело за зајакнување на демократските капацитети и унапредување на човековите права, демократијата и владеењето на правото.Разговорите, како што беше наведено, се однесувале на европската перспектива на земјата, реформските процеси и улогата на Советот на Европа во нивната поддршка.Министерот нагласил дека државата останува посветена на почитување на Европската конвенција за човекови права и одлуките на Европскиот суд за човекови права, како и на соработка со мониторинг-механизмите на организацијата.Тој посочил и дека затворањето на постмониторинг дијалогот од страна на Парламентарното собрание на Советот на Европа претставува признание за напредокот на земјата, но и дополнителна обврска за продолжување на реформите.Генералниот секретар Берсе изразил задоволство од соработката и ја нагласил улогата на Македонија во регионалната стабилност и унапредувањето на демократските стандарди во Европа.На средбата биле разменети мислења и за поширокиот геополитички контекст, со посебен акцент на војната во Украина и улогата на Советот на Европа во зачувување на стабилноста и човековите права.Двете страни изразиле очекување дека соработката ќе продолжи и во периодот на претстојното претседавање на Македонија со Комитетот на министри на Советот на Европа.

Македонија | пред 1 месец

Муцунски на IDU Форумот во Загреб: „Европа мора да направи исчекор кон проширување“

Министерот за надворешни работи и надворешна трговија, Тимчо Муцунски, во рамки на работната посета на Загреб, Хрватска, учествуваше и се обрати на форумот организиран од страна на Интернационалната демократска унија (International Democracy Union – IDU).Форумите на Интернационалната демократска унија обединуваат носители на политики, високи партиски претставници и мисловни лидери од глобалното членство и пошироко, овозможувајќи отворена размена на идеи и интензивни дебати меѓу партнери кои ги споделуваат вредностите на слободата и демократијата.Во своето обраќање, министерот Муцунски истакна дека државата презема конкретни чекори и испорачува резултати и на домашен и на меѓународен план. Притоа, тој потенцираше дека не го прифаќа наративот на жртва, иако, како што посочи, државата во континуитет се соочува со процес на билатерализација, изразувајќи очекување дека со формирањето на бугарската влада ќе се создаде нов импулс за придвижување напред.Во однос на европската интеграција, министерот нагласи дека поддршката од одделни земји членки е значајна, но дека е потребен усогласен пристап од сите држави членки на Европската Унија. Тој посочи дека очекува таквиот пристап да биде заеднички и координиран, наведувајќи ја Хрватска како принципиелен поддржувач на процесот.Осврнувајќи се на геополитичките предизвици, министерот Муцунски истакна дека во услови на геополитичка нестабилност, време е Европа не само да се разбуди, туку и да направи исчекор во насока на проширување на Унијата. Воедно, тој потенцираше дека е потребно помалку да се зборува за историјата, а повеќе за иднината.Министерот нагласи дека не е можен индивидуален одговор на големите кризи кои влијаат врз сите, туку дека е неопходен заеднички пристап. Во таа насока, тој ја истакна потребата од диверзификација на енергетските извори, инвестиции во гасни интерконектори и инфраструктура, како и спротивставување на штетните влијанија од трети страни.

Македонија | пред 1 месец

Поддршка за евроинтеграции: Хрватска го потврди партнерството со Македонија

Министерот за надворешни работи и надворешна трговија Тимчо Муцунски во рамки на работната посета на Хрватска остварил средба со хрватскиот министер за надворешни и европски работи Гордан Грлиќ Радман, на која биле потврдени добрите билатерални односи и заложбите за нивно натамошно унапредување, соопштија од Министерството.На средбата, како што соопшти Министерството, бил истакнат континуираниот политички дијалог меѓу двете земји во изминатите три децении, како и заемниот интерес за продлабочување на соработката во повеќе области, со посебен акцент на економијата, трговската размена и институционалната размена на искуства.Муцунски нагласил дека соработката со Хрватска се темели на заеднички европски вредности, пријателство и сојузништво во рамки на НАТО, при што биле потврдени и заложбите за продолжување на поддршката на Хрватска за процесот на проширување на Европската Унија со земјите од Западен Балкан.На средбата било разговарано и за потпишување на меѓувладин договор за стратешка соработка, кој треба да воспостави поинтензивна и структурирана рамка за идни заеднички активности, како и за актуелни регионални и меѓународни прашања.Двајцата министри се согласиле дека координацијата во рамки на НАТО останува важен приоритет за регионалната безбедност и стабилност, а биле разменети и мислења за внатрешно-политичките и економските состојби во двете држави.Во изјава по средбата, Муцунски посочил дека целта на идниот договор е да се зајакне практичната соработка и да се обезбедат конкретни придобивки за граѓаните преку користење на хрватското искуство во евроинтегративниот процес.

Македонија | пред 1 месец