Муцунски и министерот за надворешни работи и иселеништво на Хашемитското Кралство Јордан, Ал-Сафади потпишаа меморандум за политички консултации

Министерот за надворешни работи и надворешна трговија, Тимчо Муцунски, денеска во Њујорк се сретна со заменик-претседателот на Владата и министер за надворешни работи и иселеништво на Хашемитското Кралство Јордан, Ајман ал-Сафади.

— реклама —

Средбата се одржа на маргините на Генералното собрание на Обединетите нации, при што двајцата министри потпишаа Меморандум за разбирање за воспоставување политички консултации меѓу двете министерства.

— реклама —

Со меморандумот се создава дополнителна институционална рамка за продлабочување на политичкиот дијалог и редовната комуникација меѓу Македонија и Јордан.

Муцунски и Ал-Сафади изразија заемен интерес за натамошно унапредување на билатералните односи и за отворање нови области на соработка од заеднички интерес.

— реклама —

На средбата било разговарано и за меѓусебната поддршка и координација во рамките на мултилатералните организации, како важен дел од соработката меѓу двете земји.

Соговорниците размениле мислења и за актуелните регионални и глобални случувања, при што ја нагласиле важноста на дипломатијата, редовниот дијалог и соработката во справувањето со заедничките предизвици.