Муцунски со францускиот министер за Европа: Во фокусот европскиот пат на Македонија

Министерот за надворешни работи и надворешна трговија, Тимчо Муцунски, оствари средба со францускиот министер за Европа, Бенжамин Хадад, на маргините на Самитот на лидерите на Берлинскиот процес, што се одржува во Црна Гора.

— реклама —

Во фокусот на разговорите биле билатералната соработка, европската перспектива на Македонија и поддршката од Франција за нејзиниот пат кон Европската Унија.

— реклама —

— реклама —

Муцунски ја истакнал посветеноста на Владата на спроведувањето на реформите и остварувањето на стратешката цел за полноправно членство во ЕУ, нагласувајќи ја потребата од забрзување на процесот на европска интеграција.

— реклама —

На средбата биле разменети мислења и за актуелните регионални случувања, како и за улогата на Македонија како одговорен и конструктивен партнер во регионот и пошироко во Европа.