(Фото) Косовец сакал да шверцува четири питони и отровна змија на Богородица, ги скрил под седиштето

Седум змии и еден гуштер биле откриени и запленети на граничниот премин Богородица при обид за нелегално внесување во државата, информираат од Царинската управа.

— реклама —

Влекачите биле пронајдени при контрола на возило управувано од косовски државјанин, во заедничка акција на царински и полициски службеници. Според информациите од Царината, животните биле спакувани во кутии и марами и скриени под седиштето во возилото.

— реклама —

Меѓу запленетите животни има четири питони од различни видови, змија позната како „Chinese Ring Rat“, вид „Raticulated Super Dwarf“, како и отровна змија „Baron Snake“. Дел од видовите се заштитени и нивниот меѓународен промет е строго регулиран.

— реклама —

Од Царинската управа информираат дека влекачите ќе бидат предадени на надлежните институции, а против лицето е поведена соодветна постапка.

Од институцијата потсетуваат дека за внесување и трговија со заштитени видови дива флора и фауна се потребни соодветни дозволи, согласно Конвенцијата за меѓународна трговија со загрозени видови (CITES). Секој внес без потребната документација се смета за недозволен.