Ви гарантираме дека за време на мојот четири годишен мандат, општина Бутел ќе добие две нови детски градинки, вели Дарко Костовски, кандидат за градоначалник на Општина Бутел.
„Едната ќе биде изградена во населеното место Бутел еден, веднаш до ОУ „Св. Климент Охридски”, додека пак другата ќе биде изградена во населеното место Расадник. Со изградба на овие две детски градинки веруваме дека целосно ќе се надминат проблемите на родителите при упис на нивните деца во истите.
Почитувани, исто така гарантираме дека за време на мојот четири годишен мандат гарантираме дека населеното место Визбегово ќе добие ново, модерно основно училиште и со тоа ќе биде надминат деценискиот проблем на жителите на ова населено место.
Почитувани, борбата за нашите деца е најважната борба во животот и токму заради тоа гарантираме дека наведените проекти ќе бидат реализирани.
Заокружете го бројот 7 за сите заедно да ја трасираме иднината на нашите деца.
На крајот, би сакал да ви го честитам денешниот национален празник, 11-ти Октомври“, вели тој
