Претседателот на СДСМ Домитар Ковачевски се сретна со европратеникот Сергеј Станишев, претседател на Партијата на европски социјалисти и поранешен бугарски премиер. На средбата е пренесена поддршка од ПЕС за енергијата која е внесена во дијалогот со Република Бугарија која остава простор за напредок.
Претседателот на СДСМ Ковачевски се заблагодари за континуираната поддршка од ПЕС за демократските процеси во Северна Македонија, што денес резултираат со членство во НАТО и во напредување во патот кон евроинтеграциите.
"Внесуваме нова, поинтензивна динамика заедно со премиерот на Бугарија Петков. Низ работните групи, но пред сè со позитивната волја на двете страни посветени сме на изнаоѓање решенија. Верувам дека ова ќе го забрза застојот од изминатиот период и ќе придонесе за позитивна клима за евроинтеграцискиот процес на Северна Македонија"
„Напорно работиме на законите за потребните реформи во државата а сега сме посветени на ефективна имплементација на тие реформи. Посебно сме фокусирани на владеењето на правото и правната држава и за обезбедување еднаквост пред законите за сите" изјави претседателот Ковачевски.
Претседателот на ПЕС Сергеј Станишев рече: „ПЕС е политичко семејство во кое СДСМ е почитувана асоцирана партија и која со години постојано ја брани опцијата за членство во ЕУ за земјите од Западен Балкан. Го цениме придонесот на владите на СДСМ во потпишување на договорот од Преспа со Грција како и на Договорот за пријателство, добрососедство и соработка со Република Бугарија.
Овие чекори ја променија целата клима на процесот на пристапување на Северна Македонија во ЕУ. Сега е важно да се најдат слични решенија за актуелните итни прашања за процесот на пристапување на Северна Македонија во ЕУ. ”
„Новото раководство во Северна Македонија и Бугарија е шанса за нова перспектива. Тоа го покажаа двете посети на премиерот само неколку дена по стапувањето на функцијата на кабинетите. Треба да се поддржат нивната добра волја и напори за изнаоѓање решение. Фокусот на заедничко интересите - за мир и безбедност во регионот, за инфраструктурно поврзување и инвестиции - ни овозможува да гледаме не само на историските прашања, туку и на иднината. Овој пристап ќе има поддршка од ПЕС бидејќи проширувањето на ЕУ нема да биде целосно до Западен Балкан е дел од Европската Унија“, рече Станишев.
"ПЕС му се заблагодарува на поранешниот премиер Зоран Заев - кој ја напушти функцијата во декември - и на неговиот тим за нивното водство. За време на неговата премиера, беше обезбеден историски напредок за Северна Македонија и за европската перспектива на Западен Балкан." - изјави Станишев.
На средбата е изразена поддршка и за одлучноста на Владата за независно функционирање на правосудниот систем. Исто така, заеднички е констатирано дека евро-атлантските перспективи на нашата држава веќе придонесоа кон развој на економската соработка со земјите во регионот и пошироко, што овозможи добро справување со пандемиската и енергетската криза.
