Крадел пари од манастир - фатен е на дело! На гостиварецот не му е прва кражба во верски објекти

Полицијата во Гостивар го приведе 55-годишен жител на селото Беловиште, кој бил затекнат додека се обидувал да украде пари од манастирски објект.

— реклама —

Според информациите од МВР, вчера околу 10:30 часот, полициски службеници од ОВР Гостивар го забележале мажот во моментот кога вршел кражба во манастирот „Преображение Христово“ во населбата Циглана.

— реклама —

— реклама —

Покрај инцидентот од вчера, Ѓ.А. се поврзува и со повеќе тешки кражби извршени во последните шест месеци во различни верски објекти на подрачјето на Гостивар. Се сомничи дека на сличен начин влегувал во храмови и цркви и одземал пари и други вредни предмети.

Осомничениот е задржан во полициската станица, а по целосно расчистување и документирање на случаите ќе биде поднесена соодветна кривична пријава.