Кралот Чарлс му го честиташе Денот на независноста на Трамп

Британскиот крал Чарлс Трети му го честиташе Денот на независноста на американскиот претседател Доналд Трамп и на американскиот народ по повод 250-годишнината од прогласувањето на независноста на Соединетите Американски Држави.

— реклама —

Во својата порака, Чарлс ја оцени годишнината како значајна историска пресвртница и истакна дека претставува можност да се одбележат достигнувањата на САД од 1776 година до денес.

— реклама —

Кралот нагласи дека односите меѓу Велика Британија и САД прераснале од поранешен конфликт во едно од најблиските и најпродуктивните сојузништва во светот.

„Заедно се соочуваме со денешните предизвици и можностите на иднината“, порача Чарлс, додавајќи дека е уверен дека двете земји ќе продолжат да ги бранат своите заеднички вредности и во наредните децении.

— реклама —

Во пораката тој ја истакна и важноста од заштитата на природата, тема на која со години ѝ посветува големо внимание.

Честитката доаѓа неколку месеци по посетата на кралот Чарлс и кралицата Камила на Соединетите Американски Држави, кога беа примени во Белата куќа од претседателот Доналд Трамп.