Кремљ: ЕУ се однесува како „банда“ со плановите за рускиот имот кој е замрзнат

Земјите членки на Европската унија што размислуваат да го искористат замрзнатиот руски имот за поддршка на Украина се однесуваат како „криминална банда“, изјави портпаролот на Кремљ, Дмитриј Песков, пренесе „RT“.

— реклама —

На неформалниот самит на ЕУ во Копенхаген лидерите разговараа за можноста да ѝ обезбедат на Украина заем од 140 милијарди евра, кој би бил гарантиран со средствата на руската централна банка, замрзнати поради санкциите.

Белгискиот премиер Барт де Вевер, во чии банки е складирана најголемата сума од руските средства во Европа, предупреди дека „нема бесплатни пари и секогаш постојат последици“. Тој побара сите земји да преземат одговорност доколку ваквиот потег донесе правни проблеми.

— реклама —

Песков пак оцени дека дискусиите во ЕУ „личат на план за пљачка“. „Едни стојат на стража, други крадат, трети бараат одговорност да се подели. Но сите ќе сносат правна и друга одговорност“, изјави тој.

— реклама —

Портпаролот на Кремљ додаде дека конфискацијата би го нарушила довербата во неповредливоста на сопственоста и предупреди дека „бумерангот силно ќе ги погоди“ токму земјите каде што се чуваат депозитите.

По почетокот на руската инвазија во 2022 година, Западот замрзна околу 257 милијарди евра руски средства, од кои 210 милијарди се во Европа. Најголемиот дел – околу 185 милијарди евра – е во белгискиот систем „Euroclear“ во Брисел.

— реклама —

Додека трае правната расправа околу конфискацијата, ЕУ веќе почна да ги насочува каматите од овие средства кон Украина, а досега во Киев се префрлени околу 4 милијарди евра.