Кремљ го објави составот на руската делегација за преговорите со САД и Украина

Кремљ го потврди составот на руската делегација што на 10 и 11 ноември ќе учествува на трилатералните преговори со САД и Украина во Абу Даби.

— реклама —

Портпаролот на Кремљ, Дмитриј Песков, во саботата соопшти дека делегацијата ќе ја предводи советникот на Кремљ, Владимир Медински. Во нејзиниот состав ќе бидат и замениците-министри за надворешни работи Сергеј Рјабков и Михаил Галузин, како и шефот на руската воена разузнавачка служба, Игор Костјуков.

— реклама —

— реклама —

На преговорите ќе учествува и високиот офицер на Генералштабот, Јуриј Жигарловски, заедно со други високи дипломатски и воени претставници.

— реклама —

Во меѓувреме, Русија соопшти дека нејзините сили во текот на ноќта извршиле масовен напад врз Киев и поширокиот регион. Според тврдењата на руските власти, цел на нападите биле објекти од украинскиот военоиндустриски сектор, како и енергетската и транспортната инфраструктура.