Двајца жители на Скопје се кривично пријавени под сомнение дека извршиле кривично дело „полов напад и силување“, соопшти Министерството за внатрешни работи.
Како што информираат од МВР, СВР Скопје – Единицата за насилен криминал, Одделението за крвни и сексуални деликти, до Основното јавно обвинителство Скопје поднело кривична пријава по брза постапка против А.М. (41) и Ј.Р. (34), двајцата од Скопје.
Според сомнежите, на 17 јули околу 21:45 часот, покрај патот Горно Лисиче – Долно Лисиче, тие со употреба на физичка сила и закани извршиле обљуба врз 32-годишна жена од Србија со престојувалиште во Скопје.
Осомничените биле изведени пред судија на претходна постапка, кој им изрекол мерка за времено одземање на патните исправи.
Жена пријавила дека била силувана од две лица во Лисиче, приведен осомничен
На 18.07.2026 во 00:20 часот во СВР Скопје е пријавено дека на подрачјето на Лисиче, две лица извршиле обљуба врз 32-годишна жена.Во врска со случајот од слобода е лишен А.М.(41) од Скопје и се преземаат мерки за целосно расчистување на случајот.
Скопје | пред 1 месец
