Кривична за поранешен директор на ЈКП „Брегалница“ – незаконски ги зголемувал платите на вработените

Министерството за внатрешни работи соопшти дека е поднесена кривична пријава против 61-годишниот С.С. од Делчево, поранешен директор на ЈКП „Брегалница“ – Делчево, поради сомнение за злоупотреба на службената положба и овластување.

— реклама —

Според МВР, пријавениот во периодот од 2023 до 2025 година, како директор на јавното претпријатие, издал вкупно 92 решенија за зголемување на основната плата поради работна успешност за 112 вработени.

— реклама —

— реклама —

Како што наведуваат од полицијата, решенијата биле донесени без предлог и без согласност од непосредните раководители на вработените, што е спротивно на одредбите од Колективниот договор за комуналните дејности и Колективниот договор на ЈКП „Брегалница“ – Делчево.

— реклама —

Со ваквото постапување, според МВР, на јавното претпријатие му била предизвикана материјална штета во вкупен износ од 267.873 денари.