Во рамки на полициските активности и спроведените контроли во изминатиот период, во неколку одвоени случаи низ државата се регистрирани кривични дела поврзани со недозволени супстанци и наркотични дроги, при што се преземени соодветни мерки од страна на надлежните служби.
На 19.04.2026 во Скопје, на подрачјето на Бит Пазар, полициски службеници од СВР Скопје го лишија од слобода А.Ф. (36) од Скопје, кај кого била пронајдена кафеава прашкаста материја. По документирање на случајот ќе следува соодветен поднесок.
СВР Битола поднесе кривична пријава против П.Ж. (20) и А.Р. (22) од Битола поради „неовластено производство и пуштање во промет на наркотични дроги“. При преглед кај второпријавениот била пронајдена марихуана која ја набавил од првопријавениот.
Во Струга, на 17.04.2026 во периодот од 22:50 до 00:00 часот, по судска наредба бил извршен претрес во правно лице за производство на масло од канабис во с.Вевчани, при што во контејнер за отпад била пронајдена марихуана. По целосно документирање ќе следува пријава.
