Крушево домаќин на Европското првенство во параглајдинг: Учествуваат 130 пилоти од 38 земји

Крушево е домаќин на Европското првенство во параглајдинг, на кое учествуваат 130 пилоти од 38 земји, а натпреварувањето ќе трае до 19 август.

— реклама —

Главното полетување се одвива од Мечкин Камен, додека слетувањата и завршувањето на натпреварувачките задачи се реализираат на повеќе локации, во зависност од условите за летање.

— реклама —

Организаторите оценуваат дека првенството е потврда за квалитетот на Крушево како меѓународна параглајдинг дестинација, но и можност за дополнително унапредување на инфраструктурата и туристичката понуда.

Во моментов се градат две нови полетувалишта на Црн Врв, со цел да се подобрат условите за параглајдинг и да се создадат дополнителни можности за развој на активниот и авантуристичкиот туризам.

— реклама —

„Со изградбата на новите полетувалишта создаваме услови и во иднина да бидеме домаќини на големи меѓународни настани“, истакна Горан Димишковски, претставник на организацискиот одбор и претседател на Светскиот параглајдинг куп.

— реклама —

По Европското првенство, Крушево ќе биде домаќин и на Светското јуниорско првенство во параглајдинг „Крушево 2026“, кое започнува на 24 август.