Крвав напад во црква во Јордан: Најмалку седум убиени и десет повредени за време на погреб

Најмалку седум лица се убиени, а десет се повредени во вооружен напад врз црква во јорданската провинција Карак, каде што во моментот на нападот се одржувал погреб.

— реклама —

Според локалните медиуми, непознати напаѓачи отвориле оган за време на погребната церемонија, предизвикувајќи жртви и повредени меѓу присутните.

Јорданската државна новинска агенција потврдила дека нападот се случил за време на погреб, додека државната телевизија првично информирала за загинати и повредени, без да го прецизира нивниот број.

— реклама —

Според првичните информации што ги пренесува „Египшн газет“, во нападот загинале најмалку седум лица, а уште десет се повредени.

— реклама —

Јорданската Управа за јавна безбедност соопштила дека безбедносните сили започнале потрага по осомничените.

Засега не е познато колку лица учествувале во нападот, ниту кои биле нивните мотиви. Надлежните институции сè уште не објавиле информации за идентитетот на жртвите и напаѓачите.

Истрагата е во тек, а се очекуваат дополнителни информации за околностите под кои се случил нападот.