црква

Голем пожар зафати црква во скопско Мршевци

Голем пожар кој вчера избувна во близина на селото Бујковци, се прошири кон индустриската зона „Бунарџик“ и зафати дел од покривот на црквата во близина на селото Мршевци. Интервенцијата на терен ја водеа скопските пожарникари, со помош од касарната „Ѓорче Петров“, единици од Кавадaрци, како и специјализираните тимови на Дирекцијата за заштита и спасување – „БТР“ и „Хермелини“.-Локалното население се организираше и излезе на терен за да ги заштити домовите, а на лице место беше ангажирана и тешка механизација со која се изработуваа противпожарни линии, информираше доцна синоќа директорот на Дирекцијата за заштита и спасување, Стојанче Ангелов.Во текот на вчерашниот ден, огнената стихија се доближи и до црквата Света Петка во Кумановско, а екипите беа насочени кон спречување на понатамошно ширење на пожарот.

Македонија | пред 4 месеци

(Фото) Вандализам на манастирот „Пресветна Богородица“ во Матејче: провалиле, копале, краделе

Извршено е провалување, копање на подот во манастирската црква и украден е оловниот лим од централната купола на манастирската црква Пресвета Богородица во Матејче, соопштија од Кумановско-осоговска Епархија.Тие наведуваат дека како сопственици на заштитено културно добро, ја известуваме јавноста дека врз заштитетното културно добро ‒ манастирот Пресвета Богородица, с. Матејче, Општина Липково, Куманово, од страна на непознат сторител во месец март 2025 година е извршен неовластен упад во црковен имот во Манастирот Пресвета Богородица с. Матејче. Упадот е извршен со провалување во затворените простории на манастирската црква. Извршено е копање на подот на манастирската црква, кој е целосно раскопан, и извршен е ископ на голема количина на земја, при што се извадени и осквернавени посмртните останки на порано погребани лица на ова место. Исто така е причинета значителна материјална штета и кражба на оловен лим од централната купола на манастирската црква.На ден 06.03.2025 година член на Црковниот одбор на манастирот Пресвета Богородица го посетил манастирот и забележал дека врз заштитеното културно добро е извршен вандалски чин, на погоре опишаниот начин. За настанатата материјална штета, по службена должност, настанот го пријави до митрополијата во Куманово, како надлежен орган за понатамошно постапување, потенцираат од Кумановско-осоговска Епархија.

Македонија | пред 9 месеци

Денеска е Свети Василије Остроски, денот кога се можни најголемите чуда: Ова се обичаите кои треба да се почитуваат

Православниот свет денешниот ден му го посветува на чудотворецот - Свети Василије Остроски. Неговите мошти се чуваат во манастирот Острог во Црна Гора како големо светилиште повеќе од 300 години и се место за аџилак на верниците од сите религии.Роден е како Стојан Јовановиќ во селото Мркоњиќ во Херцеговско Попова Поље во 1610 година, пишува РТС.Свети Василиј се замонашил во Требинскиот манастир Успение на Пресвета Богородица. Наскоро станал епископ. Прво остана во Тврдош, а потоа се пресели во Острог.Свети Василиј, неуморен во молитвите, постот и физичкиот труд, мирно се упокои на денешен ден во 1671 година.Се верува дека неговите мошти се чудотворни, па луѓето од сите конфесии доаѓаат да им се поклонат и да се молат за исцелување на најтешките болести.Традиционален ден за голем собир на верниците е 12 мај, но и Троица, кога во Острог се одржува Големиот народен собор.Во чест на светителот биле изградени бројни вакафни цркви. Во Белград, во црквата на царот Константин и царицата Јелена на Вождовац, зачуван е омофорот на Свети Василиј.Се слави и како крштевање.Според традиционалниот народен календар, денеска не се работи на тешки работи, туку треба да се исчисти куќата, за, се верува, во домот да владее хармонија и мир во текот на целата година, пишува РТС.

Магазин | пред 1 година

Руската православна црква ја призна МПЦ-ОА како автокефална сестринска црква

Светиот Синод на Руската православна црква на денешната седница ја призна Македонската православна црква – Охридска Архиепископија, како автокефална сестринска црква.„На 25 август 2022 година, на седницата на Светиот синод на Руската православна црква, беше слушната пораката на неговата светост патријархот московски и на цела Русија – Кирил за доделувањето од страна на Српската православна црква на автокефалноста на Македонската православна црква – Охридската архиепископија (списание бр. 62)“ стои на сајтот на Руската православна црква.Во соопштението се вели дека „Синодот одлучи да му се заблагодари на Господ Бог за решавањето на прашањето за статусот на Православната црква во Северна Македонија на канонска основа и да ја признае Македонската православна црква, Охридска архиепископијата, како автокефална сестринска црква, впишувајќи го името на нејзиниот претседател, неговото блаженство архиепископот охридски и македонски Стефан, во светите диптиси“.„Членовите на Синодот изразија надеж дека Македонската православна црква, Охридската архиепископија, најмладата во семејството на автокефалните православни цркви, цврсто ќе ја зачува светата православна вера во чистота и интегритет и ќе ја запази верноста на православната канонска традиција. Учесниците на состанокот, исто така, одлучија да ги известат неговата светост патријарх српски Порфириј и неговото блаженство архиепископот охридски и македонски Стефан, за одлуката на Светиот Синод“ се вели во соопштението.

Македонија | пред 3 години

Мицкоски за црквата: Сме се соочувале со бури и ветришта и сме надминувале се

Црквата е еден од важните столбови на кои се темели нашето идентитетско распознавање, вели лидерот на ВМРО-ДПМНЕ, Христијан Мицкоски.„Силна и интегрирана Црква е прилог кон стабилноста и долговечноста на нашата Македонија!Сме се соочувале со бури и ветришта, но секогаш кога сме биле обединети помеѓу себе, заедно со народот, секогаш кога сме се бореле заедно, сме победувале и сме надминувале сѐ!Така е и денес кога се идзвојува важна победа за нашата МПЦ-ОА!Нека биде за многу години и за слава на народот, граѓаните и нашата Македонија денешната заедничка историска литургија на поглаварот на МПЦ-ОА г.г. Стефан со Вселенскиот Патријарх г.г. Вартоломеј, во седиштето на Вселенската Партијаршија.Да бидеме обединети и силни на страна на интересите на Македонија!На многаја лета...“, додава тој

Македонија | пред 3 години

Димовски за афтокефалноста на МПЦ-ОА: Ова прашање има историска тежина и значење над било какви политички интереси

Експратеникот и висок пратиски функционер на ВМРО-ДПМНЕ, Илија Димовски посочи дека признавањето на Македонската Православна Црква - Охридска Архиепископија е прашање од највисок државен и национален интерес! Тој честиташе на Архиепископот Охридски и Македонски г.г. Стефан за денешната одлука на Синодот на Вселенската Цариградска Патријаршија.„Значен прв чекор со кој нашата стара и света Охридска Архиепископија се враќа во светот на признатите и прифатените еднакви православни цркви во светот, овој пат под ваше водство, во лицето на Македонската Православна Црква- Охридска Архиепископија. Постоењето на Охридската архиепископија е една од историските вертикали кои низ римскиот, средновековниот и отоманскиот период ја цртаат, во прво време политичката, а потоа и културошката и јазичната, засебност на територијата на Македонија и на македонското населението кое живее тука. Во периоди, низ средниот век, кога со македонските територии владеат византиските, бугарските и српските кралеви и цареви, опстојувањето на Охридската архиепископија како засебна православна автокефална црква, одвоена од Цариградската, Трновската и Печката, уште повеќе ја засилува нашата посебност во однос на грчките, бугарските и српските верски, културни и јазични влијанија и претензии“, напиша Димовски.Според него, укинувањето на Охридската архиепископија е најстрашниот, најтрагичниот и најлошиот момент во целокупната наша историска патека.„Укината е засебноста, но и перспективата за во следниот век таквата засебност да ја развиеме, први или меѓу првите, во посебна етно-национална патека, а не бидувајќи предмет на туѓите (грчките, бугарските и српските) аспирации и асимилација. Укинувањето на Охридската архиепископија е врвот на трагедијата на Македонија, а Букурешкиот договор е само последица на тоа. Ако постоеше нашата Охридска архиепископија, немаше да се случи Букурешт 1913 година. Православните држави низ историјата се конституираат во рамките на границите на своите цркви. Постоење на призната црква значи гаранција за постоење или некогаш и потреба за воозобновување на држава. Оспорувањето на автокефалноста на МПЦ - Охридска архиепископија е оспорување на нашата засебност како народ. Живеењето во одвоеност од останатиот православен свет значи непризнавање на нашата засебност од нашите православни браќа. Тоа е факт, кој колку и да не боли, мора да го признаеме“, додаде Димовски.Тој додаде дека ова прашање има историска, вековна тежина и значењето е високо над било какви политички и партиски интереси.„Секоја патека која нашата МПЦ - ОА ќе ја доведе до автокефален статус заслужува поддршка од сите нас. Прифаќањето и признавањето на МПЦ - ОА ќе е темел кој нема да може да се руши, дури и во вакви историски времиња кога од сите страни се руши нашата засебност, идентитет и јазик. Македонскиот народ заслужува да биде рамен на сите православни народи, заради тоа што е еден од првите кои го прими христијанството. Така ќе бидеме посилни. Живееме во историски момент за нашата МПЦ - ОА и нашиот македонски народ, да бидеме мудри и паметни, како што не сме биле многу пати. Честито и со мудрост кон следните чекори и за нашата црква и за нашата татковина Македонија“, заклучи тој.

Коментари | пред 3 години

Вселенската Патријаршија ја призна Охридската Архиепископија за канонска

Со одлуката на денешното заседание на Светиот Синод на Вселенската Патријаршија, возглавен од Неговата Сесветост, Патријархот Вселенски г. г. Вартоломеј, се отстранува повеќедецениската шизма наложена врз нашата древна Охридска Архиепископија, возобновена во лицето на МПЦ. Тоа значи дека Вселенската Патријаршија ја признава црковната јерархија предводена од Архиепископот Стефан за канонска и валидна во сеправославниот свет и воспоставува канонско и литургиско општење со неа.Во официјалното соопштение од Канцеларијата на Светиот Синод на Вселенската Патријаршија меѓу другото се вели:-Светиот и Свештен Синод, кој заседаваше денес, понеделник, 9 мај 2022 година, под претседателство на Неговата Божествена Сесветост, Вселенскиот Патријарх г. г. Вартоломеј, исцрпно дискутираше за црковниот проблем во Скопје и, оценувајќи го во конечна фаза апелациското прибегнување (еклитон) на тамошната Црква до Мајката Црква, како и повторените повици од државата на Северна Македонија, го одлучи следново:Ја прима во евхаристиско општење јерархијата, клирот и народот на оваа Црква под Архиепископот г. Стефан, лекувајќи ја раната на расколот и излевајќи „вино и елеј“ врз раната на нашите тамошни, православни браќа. Кон ова се издава и соодветен Патријаршиски и Синодален Акт.Се остава на најсветата Црква на Србија да ги уреди управните прашања што ги има помеѓу неа и Црквата во Северна Македонија, секако во рамките на светоканонскиот чин и црковното предание.Како име на оваа Црква го признава „Охридска“ (имајќи ја на ум како област на нејзината јурисдикција владението во границите на државата Северна Македонија“.По повеќедеценискиот спор на нашата Црква со СПЦ и меѓународната изолација и непризнавање на нашата црква од православниот свет, во април 2018 година нашиот Синод едногласно испрати молба за апелација до Вселенската Патријаршија, која единствена на сеправославно ниво има историски и канонски права и привилегии да прифаќа апелација и да доделува автокефалност. Молбата од Синодот на Охридската Архиепископија веднаш беше земена предвид и според јавното соопштение од мај истата година Вселенската Патријаршија, Мајка Црква на сите православни „одлучи да се заземе за ова (т.е. за решавање на канонското прашање на нашата Црква) и да ги преземе потребните чекори, според неприкосновените права на историските и канонски надлежности и привилегии на првопрестолната Вселенска Патријаршија“.Оттогаш и државниот врв на Република Северна Македонија упати неколку писма и молби до Вселенскиот Патријарх Вартоломеј за уважување на молбата за апелација. Денеска, откако уште еднаш биле разгледани сите црковно-правни елементи, Патријархот Вартоломеј и неговиот Синод ја уважија молбата на нашата Црква и ја донесоа конечната одлука.Оваа одлука не значи томос за автокефалност со кој официјално се регулира меѓународното име и статус на нашата црква, туку е израз на татковска љубов и грижа од страна на Вселенската Патријаршија и претставува објава дека повеќе не сме во шизма и раскол со севкупната православната Црква и нашите свештенослужители можат да сослужуваат со свештенослужители од другите помесни православни цркви. За утврдување на конечниот статус ќе следуваат дополнителни преговори.Ваквиот чекор на Патријархот Вартоломеј и на Вселенската Патријаршија претставува историски настан, бидејќи конечно се исправа долгата неправда нанесена врз нашата Црква. Признавањето на каноничноста од страна на Мајката Црква, првопрестолната Вселенската Патријаршија ѝ стави крај на речиси седумдесетгодишната изолација на возобновената Охридска Архиепископија.

Македонија | пред 3 години

Ковачевски за признавањето на МПЦ-ОА: Најважниот и најголем чекор е завршен

Премиерот Димитар Ковачевски му се заблагодари на Вселенскиот Патријарх г. г. Вартоломеј за признавањето на МПЦ-ОА.„Сакам да упатам голема благодарност до Неговата Божествена Сесветост, Вселенскиот Патријарх г. г. Вартоломеј што направи големо дело, покажа голема грижа за еден голем православен народ и Вселенската Патријаршија со овој чин потврди дека стојат на историската мисија и одговорност. Иако со овој чин конечниот статус и име сѐ уште не се решени, најважниот и најголем чекор е завршен. Сега нашата православна црква е во заедница со сите православни цркви, и овој ден е историски ден после 7 децении тотална изолација“, напиша Ковачевски.Тој додава:„Денеска со одлуката на Вселенската Патријаршија ние влегуваме во православното семејство на сите помесни цркви. И оваа одлука на вселенската патријаршија што нè признава под име Орхидска Архиепископија значи признавање на континуитетот што го има нашата историска црква со древната Охридска Архиепископија.На Светиот Синод на Македонската православна црква, на сите православни христијани им честитам за оваа убава вест“.

Македонија | пред 3 години

Заев му пиша на Вартоломеј: Заслужуваме црковна независност

Премиерот Зоран Заев испрати писмо до вселенскиот патријарх Вартоломеј во кое уште еднаш бара од него да се заложи за признавање на афтокефалниот статус на Македонската православна црква – Охридска архиепископија.Заев во писмото потсетува на нивната средба во Истанбул на која беше побарана асистенција и заложба на вселенскиот патријарх за Македонската православна црква – Охридска архиепископија да биде признаена како автокефална и да биде примена во заедницата на помесните православни цркви.– Го почитуваме сето она што е одредено од меѓународните договори и состојби. Но, бараме да бидеме слободни и црковно во рамките на границите на нашата земја и нашите архиереи да сослужуваат со архиереите од сите православни цркви во светот, се вели во писмото на премиерот Заев до неговата светост, патријархот на Цариградската патријаршија, Вартоломеј.Во писмото се истакнува дека православниот народ во нашата земја заслужува црковна независност која ја сонува веќе цел еден век и дека очекува да ја види Македонската православна црква – Охридска архиепископија признаена како автокефална, со благословот и со писмена одлука од првиот меѓу Христовите архиереи на земјата, цариградскиот патријарх Вартоломеј.Пред два дена писмо до вселенскиот патријарх во кое се бара прзнавање на афтокефалниот статус на МПЦ-ОА упати и претседателот Стево Пендаровски

Македонија | пред 3 години