(Видео) Гори црква во Србија, се урна камбанаријата

Голем пожар денеска зафати православна црква во Ботош, при што се урна камбанаријата на храмот, јавуваат српските медиуми.

— реклама —

Пожарот избувнал во црквата на улицата „Тоза Марковиќ“, а на терен веднаш биле испратени повеќе противпожарни екипи. Според информациите, огнот сѐ уште не бил целосно ставен под контрола во текот на интервенцијата.

— реклама —

Во гаснењето учествувале најмалку две противпожарни возила, а пожарникарите интервенирале и со помош на дигалка. Над црквата и околината се издигал густ чад.

— реклама —

Засега нема официјални информации за причините за пожарот, но според неофицијалните податоци, нема повредени лица.

Свештеникот кој служи во храмот повеќе од 40 години изјавил дека пожарот многу брзо се проширил, но успеал да спаси книги и црковни реликвии.

Црквата важи за културно добро и е една од позначајните православни богомолки во регионот.