Вчеравечер во храмот „Св. Вмч. Георгиј“ во Кочани бил направен обид за кражба, при што сторителот се обидел насилно да влезе во црковниот објект, но не успеал, објави „Радио Кочани“, кои споделија и фотографија.
Според првичните информации, по неуспешниот обид за разбивање, лицето се обидело да избега, но се заглавило на оградата околу храмот.
На местото веднаш интервенирале полициски службеници, како и екипи на Територијалната противпожарна единица – Кочани и Итната медицинска помош, кои помогнале во безбедно извлекување на лицето.
Инцидентот се случил во ноќните часови, непосредно пред одбележувањето на храмовата слава.
Засега нема официјални информации за идентитетот на лицето и за евентуални повреди, а се очекуваат повеќе детали од надлежните институции.
