(Видео) „63 животи, 63 вечни спомени“ – започна повикот за донации за меморијалниот парк „Патека на бесконечноста“ во Кочани

Со желба споменот на 63-те загинати во трагедијата во Кочани засекогаш да остане жив, Здружението на граѓани „16-ти март 2025 – Кочани“ започна јавен повик за донации за изградба на меморијалниот парк „Патека на бесконечноста“.

Иницијативата е на семејствата на загинатите, кои сакаат да создадат достоинствено спомен-обележје посветено на нивните најблиски. Предвидено е паркот да биде место за тишина, молитва и сеќавање, каде што имињата на 63-те млади животи ќе останат запишани за идните генерации.

— реклама —

Од здружението информираат дека основниот проект веќе е изработен, а сега е потребна поддршка од граѓаните, компаниите, институциите и организациите во Македонија и во странство за да се реализира замислата.

„Не е важна големината на донацијата. Важна е човечноста што стои зад неа“, порачуваат организаторите, нагласувајќи дека секој придонес ќе биде чекор поблиску до изградбата на меморијалниот парк.

— реклама —

Од здружението уверуваат дека сите собрани средства ќе бидат искористени исклучиво за изградбата на „Патека на бесконечноста“, со транспарентно управување и редовно известување за нивното наменско користење.

Донации може да се уплатат на следните сметки:

Денарска сметка:
Примач: Здружение на граѓани „16-ти март 2025 – Кочани“
Банка: УНИБанка АД Скопје
Сметка: 240130121745838
Назнака: Донација за „Патека на бесконечноста“

— реклама —

Девизна сметка:
Beneficiary: ZDRUZENIE 16TI MART 2025 KOCANI
IBAN: MK07240130121745838
SWIFT/BIC: UIBMMK22XXX
Bank: Universal Investment Bank AD Skopje (UNIBANK)
Payment reference: Donation – Path of Infinity Memorial Park

За дополнителни информации, проектна документација и можности за поддршка, заинтересираните можат да се обратат на електронската адреса: zng16timart2025@gmail.com.

— реклама —

„63 животи. 63 вечни спомени. Една љубов што никогаш нема да згасне“, порачуваат од здружението.

View this post on Instagram