Густ црн чад се издигна над Кочани: Изгореа автобуси, гаражи и канцелариски простории

Голем и тежок пожар избувна утрово на плац со гаражи и автобуси во Кочани, предизвикувајќи сериозна материјална штета. Густ црн чад се издигаше високо над градот и беше видлив и од околните населени места.

— реклама —

Во гаснењето на огнената стихија биле ангажирани десетина противпожарни возила од Територијалните противпожарни единици од Кочани и Виница, како и од Доброволното противпожарно друштво Кочани. Во интервенцијата учествувале околу 30 пожарникари.

— реклама —

— реклама —

Според првичните информации, пожарот предизвикал сериозна материјална штета. Изгорени се автобуси, гаражи и канцелариски простории.

Засега нема дополнителни информации за причините за избувнувањето на пожарот, ниту за евентуално повредени лица.