(Видео) Татко на загинато дете од „Пулс“ до родителите на повредените: „Каде сте, зошто молчите?“

Со силни пораки и повик за правда, Драги Стојанов, родител на момче кое го загуби животот во пожарот во дискотеката „Пулс“ во Кочани, се обрати пред Основниот суд, барајќи поголема поддршка од родителите на повредените деца и одговорност од надлежните институции.

Тој најпрво им се заблагодари на родителите кои денеска излегоа во голем број и им дадоа поддршка, но истовремено изрази разочарување што родителите на повредените деца досега не се приклучиле на нивните маршеви.

— реклама —

„Ние веќе не можеме да ги видиме нашите деца. Вие треба да чекорите за вашите деца, да се борите за правда и за тие да живеат во мир и благосостојба, а не да се будат ноќе и да не можат да спијат“, порача Стојанов.

View this post on Instagram

— реклама —

Тој предупреди дека, доколку одговорните за смртта на 63 лица не одговараат пред судот, тоа може да испрати порака дека слични трагедии во иднина ќе останат неказнети. Според него, правдата не смее да биде потчинета на парите и личните интереси.

— реклама —

Стојанов упати критики и до вработените во институциите, барајќи од нив совесно и професионално работење, како и поставување образовани и способни луѓе на одговорни позиции.

Посебно го прозва градоначалникот на Кочани, прашувајќи каде е и зошто не им се приклучува на родителите, потсетувајќи дека и тој има повредено дете. Критики упати и до општинските советници, полициските началници и инспекторите, од кои побара лично да застанат пред родителите.

— реклама —

Тој нагласи дека маршевите се мирни и дека родителите не се борат против власта или против премиерот и министрите, туку бараат правда за своите деца.

„Ние чекоревме, чекориме и ќе чекориме сè додека сме живи, сè додека правдата не излезе на виделина“, порача Стојанов, упатувајќи и апел до судиите да не подлегнуваат на финансиски влијанија и да донесат праведни пресуди.