Крвава експлозија во Пакистан: Загинаа патници кои патувале за Бајрам

Најмалку 16 лица загинаа, а десетици се повредени во експлозија што денеска се случила на железничка пруга во Пакистан, во близина на областа Чаман Фатак кај градот Квета.

— реклама —

Според информациите на пакистанската агенција АПП, експлозијата се случила во момент кога патнички воз минувал низ подрачјето.

Дел од локалните извори наведуваат дека бројот на жртви е значително поголем и дека загинале 23 лица, додека 86 се повредени, но овие информации засега не се официјално потврдени.

— реклама —

Според првичните информации, голем дел од патниците патувале кон своите родни места за да го прослават Бајрам.

— реклама —

Меѓу повредените има и деца и жени, а во експлозијата биле оштетени и возила паркирани покрај железничката пруга.

Безбедносните сили веднаш пристигнале на местото на настанот, го блокирале подрачјето и започнале истрага за причините за експлозијата.

— реклама —