Лани само 2 случаи, годинава 53: Зошто годинава има нагол пораст на западнонилската треска?

Значително поголемиот број случаи на западнонилска треска годинава во однос на истиот период лани не може едноставно да се објасни, бидејќи однесувањето на вирусот е непредвидливо, посочи министерот за здравство Сашо Клековски.

Клековски информира дека во овој период минатата година биле регистрирани само два случаи, додека годинава бројката е значително повисока и се приближува до вкупниот број случаи регистрирани во претходните години.

— реклама —

Тој посочи дека во претходните години биле регистрирани вкупно 54 случаи, со пет смртни случаи, а годинава бројот веќе се приближува до таа бројка.

— реклама —

Како пример за непредвидливоста на вирусот, Клековски ја посочи и 2018 година, нагласувајќи дека во научната литература се укажува дека нема целосно утврден образец според кој може однапред да се предвиди бројот на заболени.

Според него, пример е и северниот дел на Италија, особено областите Венето и Ломбардија, каде што секоја година се применуваат слични мерки за контрола на комарците, но бројот на случаи значително варира.

— реклама —

„Имаме огромен распон на случаи, од 50 до 750“, посочи Клековски.

— реклама —

Тој додаде дека во овој момент може само да се претпоставува што придонесува за ваквите разлики, при што како една од можностите ја спомена миграцијата на птиците, но и други фактори.

Клековски нагласи дека Грција и Италија, кои традиционално се меѓу најпогодените европски земји од западнонилската треска, имаат развиени системи за контрола на комарците, што дополнително покажува дека појавата и бројот на случаи не зависат само од спроведените мерки.