Латвија сака да го запре руското жито: Најавена царина од 300 проценти

Латвија планира да воведе царина од 300 отсто за житото што пристигнува од Русија и Белорусија, изјави премиерот на балтичката земја, Андрис Кулбергс.

— реклама —

Латвиските власти, заедно со соседна Литванија, минатата недела најавија дека разгледуваат и можност за запирање на извозот на руско жито преку нивните пристаништа.

— реклама —

Одлуката доаѓа откако Москва го зголеми транзитот на жито преку балтичките пристаништа, како одговор на украинските напади врз руските пристаништа на Балтичкото Море.

— реклама —

Руските извозници користат пристаништа во Латвија, која е членка на ЕУ и НАТО, за транспорт на жито кон други пазари. Воведувањето забрана или високи царини би можело да ја ограничи оваа алтернативна рута во услови кога транспортот преку Црното и Азовското Море е отежнат поради украинските напади со беспилотни летала.

Според податоците од индустријата, Русија во извозната сезона од јули 2025 до јуни 2026 година преку пристаништата на Азовското и Црното Море извезла 46,3 милиони тони жито, што претставува околу 90 отсто од вкупниот руски извоз на жито по морски пат.