ЛАТВИЈА

Латвискиот министер за одбрана поднесе оставка по нападот со дронови

Латвискиот министер за одбрана Андрис Спрудс денеска поднесе оставка, откако два украински дрона во четвртокот влетаа од Русија и погодија складишта за нафта во Латвија.Претходно денеска, латвиската премиерка Евика Силиња побара негова оставка, оценувајќи дека системите за заштита од дронови не биле доволно брзо распоредени.За нов министер за одбрана таа го именуваше полковникот Раивис Мелнис.По инцидентот, Латвија и Литванија побараа НАТО да ја зајакне противвоздушната одбрана во регионот.Украинскиот министер за одбрана Андриј Сибиха потврди дека дроновите биле украински, но посочи дека тие биле пренасочени поради „руско електронско војување“.„Руското електронско војување намерно ги пренасочи украинските дронови од нивните цели во Русија“, изјави Сибиха.Како одговор на инцидентите, Украина разгледува можност да испрати експерти кои би помогнале во зајакнување на воздушната безбедност над балтичките земји.

Свет | пред 2 седмици

(Видео) Латвија во тревога: руски дронови се урнаа, избувна пожар, затворени училишта

Вооружени сили на Латвија соопштија дека два дрона навлегле на територијата на Латвија од правец на Русија и утринава се урнале.Според локалните медиуми, повикувајќи се на полициски извори, на местото на падот избувнал пожар, кој бил изгаснат пред пристигнувањето на пожарникарските екипи.Локалните власти во Резекне соопштија дека сите училишта во градот денеска се затворени како превентивна мерка по инцидентот.Паралелно, се потсетува дека крајот на март бил обележан со неколку случаи на залутани дронови што погодиле подрачја на Латвија, како и на соседните земји членки на НАТО, Естонија и Литванија. Еден од дроновите тогаш се судрил со оџак на електрана, додека друг се урнал во замрзнато езеро и експлодирал.Се очекуваат дополнителни информации од надлежните институции, додека безбедносната состојба во регионот останува под засилен надзор.

Свет | пред 2 седмици

Литванија почна да се подготвува за најлошото, погледнете што ставија на мостовите кон Русија

Литванија постави противтенковски бариери, т.н змејски заби на мостовите што ја поврзуваат таа земја со Русија. Министерството за одбрана на земјата, исто така, соопшти дека е распоредена „огнена сила“ околу друг утврден мост над реката Немен за да се запре потенцијалниот руски напад.„Тврдините ќе бидат надградени со огнена моќ, во случај да биде неопходно да се запре и уништи непријателот“, се вели во соопштението.Реката Немен е дел од границата на Литванија со руската ексклава Калининград. Долга е нешто повеќе од 900 километри и поминува од Белорусија преку Литванија, а потоа во Северното Море, пренесува The Telegraph. „Змејски заби“ се користат за забавување на тенковите и за да се направат возилата заглавени на и пред нив изложени и ранливи на непријателски напади. За прв пат се користени во Втората светска војна и се направени од армиран бетон.Фотографиите од осветлениот мост над реката Неман покажуваат десетици триаголни бетонски столбови кои го блокираат патот.Во извештаите се наведува дека покрај бариерите биле поставени и мини, митралези, бодликава жица и метални „ежови“, уште една противтенковска бариера. „Ова е превентивен чекор за да се обезбеди поефикасна одбрана“, соопшти Министерството за одбрана.Откако Русија ја нападна Украина на 24 февруари 2022 година, пограничната област на Калининград, Полска и Литванија стана една од најсилно утврдените погранични области во Европа.

Свет | пред 1 година