Лавров тврди дека НАТО ќе ја загуби трката за воена надмоќ

Рускиот министер за надворешни работи Сергеј Лавров изјави дека стремежот на НАТО кон сè поголема милитаризација, според него, на крајот ќе заврши со пораз на Алијансата.

— реклама —

„Ако сакаат да се милитаризираат до крајни граници, на крајот сè ќе заврши со нивен пораз во трката за сопствена надмоќ“, изјави Лавров на прес-конференција, пренесуваат руските медиуми.

— реклама —

Тој оцени дека европските земји сè потешко ги прикриваат економските проблеми, посочувајќи дека социјалниот сектор трпи последици, се намалуваат социјалните издатоци, а дел од цивилната индустрија се преселува од Европа во Соединетите Американски Држави поради поповолни услови за работа.

— реклама —

Осврнувајќи се на односите меѓу НАТО и Русија, Лавров изјави дека тврдењата на Алијансата дека не е во војна со Русија „не се искрени“.

— реклама —

Според него, Украина добива оружје, разузнавачки информации и сателитски податоци со директна поддршка на европските и американските воени структури. Лавров тврди дека на Киев му се доставуваат и информации за избор и проценка на цели, како и за програмирање на оружените системи кои, според него, се користат за напади врз руски граѓани и цивилни објекти.