Лажен лекар ја убедил битолчанка да даде 27.000 евра за ‘операција на ќерка ѝ’

Во Битола е пријавен нов случај на измама со класичен телефонски трик. Како што соопшти Министерството за внатрешни работи, 62-годишна жена од Битола пријавила дека била измамена за околу 27.000 евра, откако лице ѝ се јавило телефонски и ѝ се претставило како лекар во здравствена установа.

— реклама —

Според пријавеното, измамникот ѝ кажал дека нејзината ќерка имала сообраќајна несреќа и се здобила со тешки повреди, а за итна операција биле потребни пари. Во паника, жената ги собрала парите и ги однела на договорено место, каде што ги предала на лице кое ја чекало.

— реклама —

Подоцна, кога се јавила на вистинскиот телефон на нејзината ќерка, сфатила дека таа е здрава и дека станала жртва на измама.

— реклама —

Од МВР информираат дека се преземаат мерки за идентификација на сторителот и целосно расчистување на случајот.