Сомнежот за повреда на полскиот воздушен простор од правец на Белорусија, поради што во неделата беше активирана војската, се покажа како лажна тревога. Полските власти потврдија дека радарските системи регистрирале големо јато птици, а не непријателско летало, објави „Ројтерс“.
По 12 часот полската војска подигнала хеликоптери со задача да ги проверат радарските податоци кои укажувале на можно навлегување во воздушниот простор на земјата.
![]([{"src":"https://fls-a0a6331f-aa52-4911-bb98-f749c6b695c6.laravel.cloud/ads/01M3Z9362YEBRCB1FZM7W2K91B.gif","chance":50},{"src":"https://fls-a0a6331f-aa52-4911-bb98-f749c6b695c6.laravel.cloud/ads/01M3Z937P7C633CS99SP77A7TT.gif","chance":10},{"src":"https://fls-a0a6331f-aa52-4911-bb98-f749c6b695c6.laravel.cloud/ads/01M3Z9399AWTQYS76JTASHNB6Z.gif","chance":10},{"src":"https://fls-a0a6331f-aa52-4911-bb98-f749c6b695c6.laravel.cloud/ads/01M3Z93AQ8NFSC3JGHXF78CANS.gif","chance":10},{"src":"https://fls-a0a6331f-aa52-4911-bb98-f749c6b695c6.laravel.cloud/ads/01M3Z93C62E7Z98JRQG22HQ1ZQ.gif","chance":10},{"src":"https://fls-a0a6331f-aa52-4911-bb98-f749c6b695c6.laravel.cloud/ads/01M3Z93DN7FVZHTTP5AWCCK8DP.gif","chance":10}])
Подоцна, Оперативната команда на полските вооружени сили објави дека радарските записи не се поврзани со нарушување на воздушниот простор. Според нив, системите за надзор регистрирале прелет на големо јато птици.
Поради воената активност накратко биле прекинати и летовите на аеродромот во Жешов, на југоистокот на Полска. Полската агенција за контрола на воздушниот сообраќај (PANSA) подоцна потврди дека аеродромот продолжил со редовното работење.
