Лефков со жестока порака до Апасиев: „Те расипаа квадратите и кешот“

Пратеникот Миле Лефков јавно му одговори на лидерот на Левица, Димитар Апасиев, обвинувајќи го за двојни стандарди и лицемерие во политиката. Во својата изјава, Лефков порача дека „Димче не е тоа што беше“ и дека „го расипале кешот и квадратите деловен простор“.

— реклама —

„Разбирам дека вистината боли, па затоа Апасиев наместо да одговори на фактите – бега во навреди,“ наведе Лефков, посочувајќи дека суштинскиот проблем е во тоа што лидерот на Левица јавно проповеда анти-ЕУ ставови, додека неговото најблиско семејство користело европски средства преку програмата „Еразмус“.

Лефков потсети дека како член на Комисијата за европски прашања во целиот претходен мандат се спротивставувал на злоупотребите на европските фондови од страна на СДСМ и ДУИ, но дека Апасиев за тоа време не присуствувал на ниту една комисија.

— реклама —

„Во тоа време активно си користеле ЕУ финансии по дома,“ додаде тој.

— реклама —

Тој понатаму го спореди Апасиев со „самопрогласениот Енвер Хоџа на интернет подземјето“, обвинувајќи го дека мобилизира троловски армии за да шири лаги и клевети.

„Такви двојни стандарди не се политика – тоа е лицемерие на квадрат,“ изјави Лефков, додавајќи дека Апасиев не може да ја „плука Европа“ и истовремено да живее од европски пари.

— реклама —

„Разобличен си, лажго кој нарачува најдолни клевети. Порано беше покреативен, ама те расипаа квадратите и кешот другар,“ заврши Лефков во својата реакција.