„Летала“ со 142 км/ч на место со ограничување од 50 км/ч, уапсена 24-годишна девојка

24-годишна девојка од ресенското село Подмочани била лишена од слобода откако полицијата утврдила дека возела со 142 километри на час на делница каде што максимално дозволената брзина е 50 километри на час.

— реклама —

— реклама —

Според информациите од МВР, на 19 октомври во 14:30 часот, полициски службеници од ОВР Ресен извршиле сообраќајна контрола со радар на регионалниот пат во близина на селото Рајца. При контролата било утврдено дека Е.Н. управувала патничко возило „ауди“ со ресенски регистарски ознаки со брзина од 142 километри на час.

— реклама —

За случајот бил известен јавен обвинител од Основното јавно обвинителство Ресен, по чии насоки возилото било одземено. По целосното документирање на настанот, против девојката ќе биде поднесена кривична пријава за „безобѕирно управување со моторно возило“, согласно член 297-а од Кривичниот законик.