На седницата на Советот на Општина Кисела Вода дошло до расправија околу правото на советниците да поставуваат прашања, откако претседателката на Советот, Светлана Колариќ од ДПМНЕ, ја прекинала седницата непосредно откако му дала збор на советникот од Левица, Давид Бошковски, соопштија од партијата.
Од Левица обвинуваат дека со ваквиот потег на Бошковски му била ускратена можноста да постави советничко прашање, оценувајќи го постапувањето на претседателката како самоволие.
![]([{"src":"https://fls-a0a6331f-aa52-4911-bb98-f749c6b695c6.laravel.cloud/ads/01M3Z9362YEBRCB1FZM7W2K91B.gif","chance":50,"url":"https://www.loto.mk"},{"src":"https://fls-a0a6331f-aa52-4911-bb98-f749c6b695c6.laravel.cloud/ads/01M3Z937P7C633CS99SP77A7TT.gif","chance":10,"url":"https://www.loto.mk"},{"src":"https://fls-a0a6331f-aa52-4911-bb98-f749c6b695c6.laravel.cloud/ads/01M3Z9399AWTQYS76JTASHNB6Z.gif","chance":10,"url":"https://www.loto.mk"},{"src":"https://fls-a0a6331f-aa52-4911-bb98-f749c6b695c6.laravel.cloud/ads/01M3Z93AQ8NFSC3JGHXF78CANS.gif","chance":10,"url":"https://www.loto.mk"},{"src":"https://fls-a0a6331f-aa52-4911-bb98-f749c6b695c6.laravel.cloud/ads/01M3Z93C62E7Z98JRQG22HQ1ZQ.gif","chance":10,"url":"https://www.loto.mk"},{"src":"https://fls-a0a6331f-aa52-4911-bb98-f749c6b695c6.laravel.cloud/ads/01M3Z93DN7FVZHTTP5AWCCK8DP.gif","chance":10,"url":"https://www.loto.mk"}])
Според партијата, Советот не смее да се третира како приватна сопственост на ДПМНЕ, ниту функцијата претседател на Советот да се користи за произволно ограничување на правата на избраните советници.
Од Левица нагласуваат дека советничките прашања се механизам преку кој избраните претставници бараат одговори во интерес на граѓаните, а не привилегија што може да се одобрува или ускратува по лична волја.
„Самоволието не смее да биде начин на раководење со Советот, а граѓаните не смеат да останат без одговори!“, порачуваат од Левица.
