Коалицијата Менуваме закажа средба со директорот на ЈСП Скопје, но исто така бараат и средба со градоначалничката Данела Арсовска.
„Коалицијата Менуваме повторно ја повикуваме Градоначалничката на Градот Скопје веднаш да закаже состанок кој е во интерес на лицата со попреченост.
Коалицијата Менуваме по направената евалуација го донесе следниот сублимат;
Излегуваш од дома и заминуваш на работа, на училиште или едноставно до најблискиот пазар. Единствено, метежот во сообраќајот во Скопје може да те вознемири. Овие релации секојдневно ги минуваме и ги земаме здраво за готово. Во истиот град, во македонската метропола или што би рекла Градоначалничката ЕВРОПСКИ МОДЕРЕН ГРАД, ако имаш оштетен вид, телесен инвалидитет, оштетен слух или друга попреченост имаш минимална достапна подвижност.
Како лице со попреченост, покрај метежот, движењето низ Скопје има ред други предизвици кои вознемируваат. Ако здравоспособните избираат дали да користат велосипед, возило или автобус, лицата со попреченост немаат таков избор.
Прилагодени визуелна матрица од евалуацијата“, се вели во соопштението.
