Лидерот на Хамас денеска на средба со ирански претставници

Лидерот на Хамас Исмаил Ханије денеска во Техеран ќе се сретне со ирански претставници, во втора посета на Иран од 7 октомври кога почна војната во Појасот Газа.

— реклама —

Оваа посета се случува еден ден по усвојувањето на резолуцијата за прекин на огнот со Израел во Советот за безбедност на Обединетите нации (СБОН), пренесува Ројтерс.

— реклама —

Во војната со Израел, Хамас доби поддршка од Иран, чиј министер за надворешни работи Насер Канани ја нарече резолуцијата на СОН „позитивен чекор“.

„Уште поважен чекор е ефективна акција за нејзино спроведување“, додаде Канани.

— реклама —

Хамас ја поздрави резолуцијата и нагласи дека прекинот на огнот треба да биде траен. На 25 март, Советот за безбедност на ОН усвои резолуција со која се бара итен прекин на огнот меѓу Израел и Хамас и итно и безусловно ослободување на сите заложници.

— реклама —

Во резолуцијата се нагласува и итната потреба за зголемување на протокот на хуманитарна помош и интензивирање на заштитата на цивилите низ Појасот Газа.