ЈСП Скопје ги информира патниците дека автобуската линија 37, која сообраќа на релација Карпош 3 – Радишани, од 1 септември 2026 година ќе сообраќа според зимски возен ред.
Новата линија започна да сообраќа на 17 август, а до крајот на август е активна само во работни денови, според летниот возен ред.
Во периодот до 31 август, автобусите од Карпош 3 поаѓаат во 06:40, 08:10, 14:10 и 15:40 часот, додека од Радишани поаѓањата се во 07:25, 08:55, 14:55 и 16:25 часот.
Линијата ги поврзува Карпош 3 и Радишани преку улицата Манапо, булеварот Илинден, улицата Бледски договор, булеварот Партизански одреди, булеварот 8 Септември и Качанички пат.
Од ЈСП Скопје посочуваат дека новиот возен ред за линијата 37 може да се погледне на официјалната интернет-страница на претпријатието.
