Локализиран пожарот на депонијата „Буково“ во Охрид, екипите остануваат на терен

Пожарот што избувна на депонијата „Буково“ во Охрид е локализиран, информираат од ЈП „Охридски Комуналец“.

— реклама —

Во интервенцијата учествувале екипи на претпријатието, припадници на Територијалната противпожарна единица од Охрид, како и цистерна на јавното претпријатие. Екипите континуирано работеле на гаснење на пожарот и спречување на негово понатамошно ширење.

На самата депонија бил направен пресек со кој се спречува ширењето на огнот кон останатиот дел од просторот. Дополнително, се носат и количини земја, со која се покриваат и задушуваат жариштата, во зависност од состојбата на теренот.

— реклама —

Од „Охридски Комуналец“ велат дека со овие активности се преземаат дополнителни мерки за целосно задушување на пожарот и спречување на негово повторно активирање.

— реклама —

Екипите и понатаму остануваат на терен за следење на состојбата и навремена интервенција доколку се појават нови жаришта.

— реклама —