Лукаку пред преселба во Турција: Наполи ја намалува цената, дел од парите одат кај Челзи

Ромелу Лукаку е пред заминување од Наполи, а кариерата најверојатно ќе ја продолжи во Турција, каде што е блиску до трансфер во Фенербахче.

Според италијанските медиуми, двата клуба постигнале договор околу обесштетувањето за 33-годишниот белгиски напаѓач. Наполи ги намалил првичните финансиски барања, па трансферот би требало да изнесува околу седум милиони евра.

Конечната одлука за реализација на трансферот ја донел претседателот на Наполи, Аурелио Де Лаурентис.

— реклама —

Сепак, италијанскиот клуб нема да го задржи целиот износ. При договорот за трансферот на Лукаку од Челзи во Наполи била вклучена клаузула според која на лондонскиот клуб му припаѓаат 40 отсто од следната продажба на белгискиот напаѓач.

— реклама —

Доколку Фенербахче плати седум милиони евра, Наполи би добил околу 4,2 милиони евра, додека преостанатите 2,8 милиони би му припаднале на Челзи.

Лукаку така би го напуштил Наполи по само една година и би ја продолжил кариерата во турскиот клуб.

— реклама —

Во богатата кариера белгискиот напаѓач настапуваше за Андерлехт, Челзи, Вест Бромвич Албион, Евертон, Манчестер Јунајтед, Интер и Рома.