Мајка пријавила во полиција дека 14-годишната ќерка и останала бремена, потоа дознала дека била во врска и имала полови односи

Четиринаесетгодишно девојче од Скопје е во поодмината бременост, откако мајката го пријавила случајот во полиција по извршен лекарски преглед.

Според информациите од Министерството за внатрешни работи, пријавата била поднесена на 28 март во раните утрински часови.

— реклама —

„На 28.03.2026 во 00:30 часот во СВР Скопје, 31-годишна жена од Скопје пријавила дека, откако се посомневала, ја однела нејзината 14-годишна ќерка на преглед на ГАК при Комплекс клиники ‘Мајка Тереза’ во Скопје, каде што ѝ било потврдено дека малолетничката била во поодмината бременост“, информираат од МВР.

— реклама —

Според пријавеното, по лекарскиот преглед, девојчето признало дека во текот на летото 2025 година доброволно имало полови односи со малолетник со кој било во врска.

— реклама —

Од полицијата велат дека се преземаат мерки за целосно расчистување на случајот.