Македонецот по потекло Волкановски повторно светски шампион – го нокаутира непоразениот Евлоев

Австралискиот ММА борец со македонско потекло, Александар Волкановски, повторно ја одбрани светската титула во перолесна категорија на УФЦ, откако на настанот УФЦ 333 во Абу Даби го совлада дотогаш непоразениот Мовсар Евлоев со технички нокаут во втората рунда.

Волкановски, кој има македонски корени од битолскиот крај, уште еднаш го задржа шампионскиот појас, а неговата победа беше одбележана и на официјалниот инстаграм-профил на УФЦ со пораката „Легендата продолжува“.

— реклама —

Особено внимание за македонската јавност привлекува потеклото на шампионот. Неговиот татко е роден во битолското село Беранци, од каде што семејството се преселило во Австралија. Волкановски е роден во Волонгонг, во австралиската сојузна држава Нов Јужен Велс, а неговата мајка има грчко потекло.

Тој и претходно јавно зборувал за своите корени, нагласувајќи дека неговото презиме е македонско.

— реклама —

„Татко ми е Македонец и моето презиме Волкановски е македонско. Мајка ми е со потекло од Грција“, изјавил борецот во претходно објавено видео, одговарајќи на коментари за неговото потекло.

— реклама —

Во интервју за шпанскиот весник „Марка“ во 2024 година, Волкановски повторно зборувал за своето македонско и грчко потекло и за желбата да ја посети Европа.

Триесет и осумгодишниот борец важи за еден од најуспешните натпреварувачи во историјата на перолесната категорија на УФЦ. Откако претходно ја загуби титулата од Илија Топурија, тој успеа повторно да го освои шампионскиот појас со победа над Диего Лопес во 2025 година.

Со најновата победа над Евлоев, Волкановски го продолжува својот втор шампионски период, нанесувајќи му го првиот професионален пораз на рускиот борец.

Иако настапува под австралиското знаме, Волкановски не го крие своето македонско потекло, а неговите успеси редовно привлекуваат внимание и меѓу Македонците во Австралија и Мак