(Видео) Македонското знаме се развеа во Абу Даби: Таткото на Волкановски славеше со сонцето од Кутлеш во рингот

Македонското знаме со сонцето од Кутлеш се развеа во октагонот на УФЦ во Абу Даби, веднаш по победата на Александар Волкановски над Мовсар Евлоев. Знамето го внесе и го развеа неговиот татко, кој потекнува од битолското село Беранци.

— реклама —

Моментот беше забележан за време на прославата на шампионската титула, откако Волкановски со технички нокаут во втората рунда го совлада дотогаш непоразениот Евлоев и го задржа шампионскиот појас во перолесна категорија.

View this post on Instagram

— реклама —

Иако е роден во Австралија и настапува под австралиското знаме, Волкановски во повеќе наврати јавно го истакнувал своето македонско потекло.

— реклама —

„Татко ми е Македонец, а Волкановски е македонско презиме. Мајка ми е Гркинка“, изјави тој во 2023 година, одговарајќи на прашања за своите корени.

Неговиот татко е роден во Беранци, од каде што семејството се преселило во Австралија. Во интервју за SBS Македонски, Волкановски претходно изјавил дека има голем број македонски поддржувачи и дека ја цени нивната поддршка.

По новата победа, официјалниот профил на УФЦ го одбележа успехот со пораката „Легендата продолжува“, додека македонското знаме беше дел од прославата во октагонот.