Македонија има светски шампион во карате: Марко Џорлев освои злато со пет победи

Македонскиот каратист Марко Џорлев освои златен медал на Светското кадетско првенство во Полска, станувајќи светски шампион во категоријата до 63 килограми. До титулата стигна со пет победи, а во финалето го совлада Унгарецот Адам Баги со 4:1.

— реклама —

Џорлев до финалето ги победи Алехандро Перез од Куба со 10:6, Хозе Андрес Гарсија од Гвајана со 6:1, Леонс Акоповс од Латвија со 6:0 и Јан Мата од Панама со убедливи 8:0.

— реклама —

— реклама —

Со вкупен резултат од 34:8 во поени, младиот македонски каратист го заокружи настапот со светска титула.

Светското првенство за кадети, јуниори и натпреварувачи до 21 година се одржува од 14 до 18 октомври во Бјелско-Бјала, Полска, со учество на повеќе од 2.000 каратисти од 114 земји.