Македонија нема да учествува на Евровизија

Македонија не оди на Евросонг, а веста и официјално ја потврди Македонската Радио Телевизија. Од таму ја информира јавноста за донесената одлука, идната година Македонија да не учествува на Изборот за песна на Евровизија што ќе се одржи во Обединетото Кралство.

— реклама —

— реклама —

“Ваквата одлука е во најдобар интерес на граѓаните, имајќи ги предвид зголемените трошоци поради енергетската криза, коишто зафаќаат голем дел од буџетот на Јавниот сервис, како и зголемената котизација за самото учество на „Евросонг 2023“, којашто до минатата година изнесуваше 39.143,00 евра, а идната година се очекува да биде повисока. Оваа одлука ќе овозможи заштеда на средства коишто би требало да бидат издвоени за престојот на македонската делегација во Ливерпул, кадешто се одржува „Евросонг 2023“. Но, МРТ на своите сервиси ќе ја пренесува манифестацијата, двете полуфинални вечери и големото финале. МРТ се надева дека состојбата ќе се стабилизира, по што земјава повторно ќе се врати со учество на Евровизија во 2024 година“, велат од МРТВ.

— реклама —

И Бугарија и Црна Гора денес потврдија дека нема да учествуваат на Евросонг зарди зголемената трошоци и енергетската криза.