Македонија се разбуди со минусни температури: Во Берово -1 степен, еве какво време нè очекува

Студено утро во Македонија, со температури кои на повеќе места се спуштија близу до нулата, а во Берово беа измерени и минус еден степен, информира Управата за хидрометеоролошки работи (УХМР).

— реклама —

Најниската утринска температура од еден степен над нулата е измерена во Битола, додека два степени се регистрирани во Скопје – Петровец, Крива Паланка, Демир Капија, Струмица и Лазарополе.

— реклама —

Три степени се измерени во Тетово, Прилеп, Велес и Куманово, а четири во Скопје – Зајчев Рид, Штип, Кавадарци и на Попова Шапка. Во Претор, Крушево и Маврови Анови температурата изнесувала пет степени, во Охрид и Виница шест, додека најтопло утрово било во Гевгелија, со седум степени.

Во текот на денот времето ќе биде променливо облачно со сончеви периоди. Претпладне во одделни котлини ќе има појава на магла, а ќе дува слаб до умерен ветер од јужен правец.

— реклама —

Максималните дневни температури ќе се движат од 16 до 21 степен.

Во Скопје се очекува променливо облачно време со сончеви периоди и слаб ветер од променлив правец. Највисоката дневна температура ќе достигне 19 степе